北京水餃店

Open Now

Now Closed

呢間北京水餃店真係由細食到大，細細個放學後好鍾意嚟呢度買個餡餅一路返屋企一路食，大個左出嚟做野，出面乜都有，已經好耐無返嚟幫襯。今晚一於嚟懷緬下，原來宜家有晚餐，坐坐下7點幾已經座無虛席要等位。叫左擔擔水餃麵+豆漿 $45，好抵食！一心以為擔擔麵係淺啡色花生果隻，點知差咁遠，白雪雪嘅麵條上面有一堆肉醬，話佢係炸醬麵都不為過，每碗有三隻餃子，係韮菜豬肉餡，好大隻，一隻等於人地兩隻，啲麵唔粗唔幼啱啱好，麵質偏淋身，但唔會木撻胃好飽肚，肉醬無乜特別，整體偏鹹，有少少辣，如果喺出面食北京菜嘅地方呢碗麵一定唔合格，但唔知點解我就係覺得好啱口味！