CoCo壹番屋 (新港中心)

Open Now

Now Closed

我仔成日出街都話好鍾意食Coco一番屋嘅咖喱飯，貪佢有個兒童餐，入邊又有啫喱，所以佢好鍾意食。嗰日同佢出街玩，佢又係同我講話要去食Coco一番屋，所以就嚟咗尖沙咀呢一間食啦～佢都係例牌嗌咗個兒童餐，而我嗌咗個牛肉蛋包咖喱飯加茄子。枱側邊有啲醃蘿蔔我同個仔都好鍾意食佢啲蘿蔔，撈埋落啲咖喱度酸酸鹹鹹甜甜咁非常好食。兒童餐有漢堡扒香腸薯角啫喱同埋咖喱飯，我個仔就自動波係咁食晒啲咖喱飯，但根據我嘅經驗兒童餐嘅餐飲都係唔好飲橙汁比較好，因為我仔飲過話好難飲，所以勸大家都係叫返益力多比較好。以我個人口味鍾意食茄子，牛肉蛋包咖喱飯味道幾好食，但舊牛肉都幾多肥膏，總括嚟講我都覺得好食嘅。