Video
Read full review
2018-06-01
235 views
見到啲飲食post介紹呢間小店，好似唔錯，happy Friday 放工就去試下。同老公二人大約八點左右到等咗大約十分鐘就有位。小店既裝修都唔錯，有日本小店風味。不過空間比較細，位較窄，坐滿人都好迫下。我地坐係入門口第一張枱，個位同收銀counter 既距離好窄，中等身型既人都要側身行過，我老公坐左邊，一路食一路要閃避行過既人，食得有點不自在。至於食物方面，拉麵有四款選擇。白隱、黑隱、赤隱&限定隱。我地㨂左黑隱（麵身正常、湯正常走荀）同埋限定隱（麵身硬、濃湯走荀），另外叫咗燒八爪魚丸。Order後等左十分鐘左右先出燒八爪魚丸。八爪魚丸外脆內軟，味道同大阪燒章魚丸差不多 只係口感唔同，餡料未見豐富。妙速食完個燒八爪魚丸，再等咗大約10至15分鐘，主菜出場喇～～限定隱：（鏗魚豚骨湯）濃湯夠香夠濃且唔會好油膩既感覺。我個人覺得個豚骨湯味比鏗魚味出，麵身堅度符合要求，有彈性，溏心蛋就無乜蛋香，口感OK ，流心軟滑。整體來講都唔錯。黑隱：（黑蒜油豚骨湯）唔知係咪上菜時湯底未攪勻，第一啖飲落去有仲湯同黑蒜油味分離既感覺。自己攪拌後再飲就覺得好一點。我地叫既係正常湯，相對其他拉麵店既正常湯好似清一點
小店既裝修都唔錯，有日本小店風味。不過空間比較細，位較窄，坐滿人都好迫下。我地坐係入門口第一張枱，個位同收銀counter 既距離好窄，中等身型既人都要側身行過，我老公坐左邊，一路食一路要閃避行過既人，食得有點不自在。
至於食物方面，拉麵有四款選擇。白隱、黑隱、赤隱&限定隱。我地㨂左黑隱（麵身正常、湯正常走荀）同埋限定隱（麵身硬、濃湯走荀），另外叫咗燒八爪魚丸。
Order後等左十分鐘左右先出燒八爪魚丸。八爪魚丸外脆內軟，味道同大阪燒章魚丸差不多 只係口感唔同，餡料未見豐富。
燒八爪魚丸
$30
30 views
0 likes
0 comments
妙速食完個燒八爪魚丸，再等咗大約10至15分鐘，主菜出場喇～～
限定隱：（鏗魚豚骨湯）
濃湯夠香夠濃且唔會好油膩既感覺。我個人覺得個豚骨湯味比鏗魚味出，麵身堅度符合要求，有彈性，溏心蛋就無乜蛋香，口感OK ，流心軟滑。整體來講都唔錯。
限定隱
$88
11 views
0 likes
0 comments
黑隱：（黑蒜油豚骨湯）
唔知係咪上菜時湯底未攪勻，第一啖飲落去有仲湯同黑蒜油味分離既感覺。自己攪拌後再飲就覺得好一點。我地叫既係正常湯，相對其他拉麵店既正常湯好似清一點，但味道就差唔多，沒有特別出眾。兩者對比我地比較鍾意限定隱。
黑隱
$78
10 views
0 likes
0 comments
總體而言，以元朗區既拉麵店黎講，都係唔錯，食物質素okay ，價格定位都係合理。
不過小店都有改善空間，座位上可以調整一下會更好，個人認為入門口第一張四人枱真係唔太合適，可以收起兩張櫈轉二人枱較好。免得出入既食客同坐係度食緊野既食客都要左閃右避，萬一因踫撞引致受傷情況就麻煩了，需知道拉麵既湯都好熱的啊⋯
另，小店欠缺可以放/掛袋既位置，食飯時間去既話要預左揹住個袋黎用餐🍴。
Post
