夏茶 (鴻達樓)

Open Now

Now Closed

經開旺角好景呢頭先發現夏茶原來有新分店，之前入元朗飲過佢嘅開心果鮮奶，超正！佢哋用嘅係日本開心果醬做原料，果然係全港首創，最好飲👍竹蔗清椰水聽個名就知係非常解渴飲品，唔鍾意太甜嘅我揀咗呢杯清清地，又解暑。竹蔗清甜同濃郁細膩嘅椰水融合一齊，估唔到又match喎😲 平時好怕竹蔗會勁甜，但呢杯飲落又唔會覺得膩口，反而越飲越清新，非常適合炎夏。推介俾怕甜嘅大家👌開心果椰椰呢杯一定係招牌嚟，清爽嘅椰汁同香脆嘅開心果仁完美matching，佢哋用咗日本開心果醬同鮮奶mix up，飲落有啲似奶蓋嘅質感，不過開心果嘅香味比平時一般嘅奶蓋更突出，店員話飲左表層先將佢均勻攪拌下面嘅椰汁，果然飲得到唔同嘅層次口感，朋友都話正👍👍話說星期六嚟人流都唔少，最好就早啲或過左dinner時間嚟，以免大排長龍啦～又可以order完喺附近篤串街頭小食再番嚟拎杯飲品都得！