鋒哥廚房 (Closed)

男朋友生日一於帶佢嚟鋒哥廚房食任食雞煲和任食火鍋，食完佢都話今餐非常之滿意，實在太好啦！我都真心覺得呢度啲嘢食好正！藥膳雞煲（一次性）💜💜💜💜💜一開始先食藥膳雞煲，好鍾意藥膳雞煲嘅香味，藥材味超濃，滋補又健康，雞肉又滑又嫩多汁好好味。麻辣雞煲💜💜💜💜💜食完藥膳雞就食麻辣雞煲，呢個反差非常正！👍呢個雞煲就又辣又香又夠惹味。完成個口都麻，充滿辣香味，食到流晒汗，但食得非常過癮🤣飄香沙嗲湯火鍋💜💜💜💜💜呢個火鍋係可以自選一個免費湯底，我哋就捱左又香又惹味嘅飄香沙嗲湯，喇沙味非常香濃，用嚟煮肉類係最好食嘅，最正嘅係佢個安格斯牛頸脊都可以任食，男朋友係牛魔王，食咗成五六碟，最緊要佢食得開心！仲有海鮮都唔輸蝕，有蝦，螺🐚，蟹，帶子，蜆。其他仲有炸魚皮，生根，金菇和杏鮑菇，全部都係正·正·正！