Video
Read full review
2019-05-23
175 views
雖然唔係住元朗，不過間中都會入去元朗搵朋友，唔想係yoho 果邊食連鎖店，就過黎雞地呢邊食下小店。岩晒我啦，最鍾意食小店，間中食小店都會搵到啲驚起，今次係呢度就搵到啲好味丼飯。 唔知點解食親丼飯就好想食有吞拿魚蓉嘅丼，係呢間食丼飯嘅舖頭當然都唔少得，就係美人丼 ($128)，美人丼有嘅就係中拖羅、吞拿魚他他、吞拿魚蓉同埋三文魚，仲口痕想試下定食set (+$18) 再加埋2件柚子八爪魚壽司($20)。 美人丼上菜啦，賣相好討好，分量唔算好大，但質素唔錯同配菜都排得幾靚，而且仲有紫蘇葉、紫菜、吞拿魚蓉上面有葱絲、仲有蛋卷、蟹柳卷同炸金菇，可以睇得出店家嘅用心。 味道食落質素真係唔錯，吞拿魚他他雖然唔係用上靚部份只係赤身黎，但變咗他他加咗黑椒後味道就變得豐富，而我最想食嘅吞拿魚蓉就有好魚嘅魚油味道，入口都唔乾唔太爛，另一個好突出嘅係中拖羅，只係得兩細件，因為平時食中拖羅係好貴，出面食兩件呢個size 嘅刺身都已經係6-80蚊，而我都好鍾意食中拖羅，因為無大拖羅咁肥又食到魚香味，呢兩細件中拖羅就岩岩好入口唔係即溶，但又豐富香味又有咬口無筯，呢個價錢食到咁多樣野真係幾抵食。 至於柚子八爪魚壽司
唔知點解食親丼飯就好想食有吞拿魚蓉嘅丼，係呢間食丼飯嘅舖頭當然都唔少得，就係美人丼 ($128)，美人丼有嘅就係中拖羅、吞拿魚他他、吞拿魚蓉同埋三文魚，仲口痕想試下定食set (+$18) 再加埋2件柚子八爪魚壽司($20)。
美人丼上菜啦，賣相好討好，分量唔算好大，但質素唔錯同配菜都排得幾靚，而且仲有紫蘇葉、紫菜、吞拿魚蓉上面有葱絲、仲有蛋卷、蟹柳卷同炸金菇，可以睇得出店家嘅用心。
味道食落質素真係唔錯，吞拿魚他他雖然唔係用上靚部份只係赤身黎，但變咗他他加咗黑椒後味道就變得豐富，而我最想食嘅吞拿魚蓉就有好魚嘅魚油味道，入口都唔乾唔太爛，另一個好突出嘅係中拖羅，只係得兩細件，因為平時食中拖羅係好貴，出面食兩件呢個size 嘅刺身都已經係6-80蚊，而我都好鍾意食中拖羅，因為無大拖羅咁肥又食到魚香味，呢兩細件中拖羅就岩岩好入口唔係即溶，但又豐富香味又有咬口無筯，呢個價錢食到咁多樣野真係幾抵食。
至於柚子八爪魚壽司相對就失色，壽司飯握得實嘅，但食材八爪魚質素一般，可能無丼飯咁多人食所以食材相對無咁好。
埋單都係$166，有咁多野食，係好唔錯啦，又一間可以再去嘅食肆。
Post
