悠 (Closed)

可能係平日下午嘅關係店內唔多人，加上有心思嘅裝修，營造出一個舒服嘅氣氛，好適合傾計。Lunch Time主要分意粉同all day breakfast類，我地每類點左一樣試。意大利巴馬臣芝士茄醬肉丸意粉非常欣賞個肉丸，感覺似免治牛肉搓成，食落去唔乾身。惟番茄嘅味道感覺有少少過酸。班尼蛋牛油果大啡菇柚子醋沙律將麵包、牛油果同大啡菇夾住再加埋班尼蛋嘅蛋汁一齊食好正大啡菇好香，班尼蛋有驚喜，係香港食過好多餐廳個班尼蛋蛋黃係熟曬，但呢間煮得恰到好處，熟嘅蛋白包住半生嘅蛋黃。最後點左杯熱明治朱古力係用心嘅代表作好多餐廳係飲咖啡先有拉花 但呢度連朱古力都有 仲要係好特別嘅獅子圖案。