Video
Read full review
2020-02-17
51 views
今日同朋友去咗元朗嘅Oyster season食晚餐，本身冇乜特別期望，點知原來都幾有驚喜，冇諗過住宅區嘅西餐廳都咁高質素。一坐低之後，店員就好快遞上左兩個用shot杯盛載嘅洋蔥湯，旁邊仲有兩條麵包條，可以先暖一暖胃，好細心。我先點左一份香烤牛骨筒伴多士。牛骨筒內正正就是牛骨髓，呈較有黏性的啫喱狀。用匙羹將牛骨髓放上都是上吃，羶羶的牛味配香脆多士，非常美味。唔可以唔要嘅就當然係生蠔。我地點左四款生蠔，全部來自法國，分別有Emeraud, Roland, Regal, Sentinelles。味道最濃，口感最creamy的是Sentinelles，以法國蠔來講都算係少見。另外三款都比較爽口，海水嘅濃淡度全部都唔一樣，個人最喜歡係Roland, 帶有海水嘅鹹香之餘，仲有陣陣嘅礦物味道。主菜係西班牙黑毛豬鞍，上菜已經切開兩半，睇到中間部份比較粉紅色。店員介意呢份黑毛豬以7至8成熟嘅熟度會係最好食，果然都仲好細嫩，無論係質感同味道都令我同朋友十分滿意，沾上少少鹽更惹味！甜品係affogato, 雲呢拿雪糕配冧酒提子，即時解膩，為呢餐畫上句號！
一坐低之後，店員就好快遞上左兩個用shot杯盛載嘅洋蔥湯，旁邊仲有兩條麵包條，可以先暖一暖胃，好細心。
我先點左一份香烤牛骨筒伴多士。牛骨筒內正正就是牛骨髓，呈較有黏性的啫喱狀。用匙羹將牛骨髓放上都是上吃，羶羶的牛味配香脆多士，非常美味。
唔可以唔要嘅就當然係生蠔。我地點左四款生蠔，全部來自法國，分別有Emeraud, Roland, Regal, Sentinelles。
味道最濃，口感最creamy的是Sentinelles，以法國蠔來講都算係少見。另外三款都比較爽口，海水嘅濃淡度全部都唔一樣，個人最喜歡係Roland, 帶有海水嘅鹹香之餘，仲有陣陣嘅礦物味道。
主菜係西班牙黑毛豬鞍，上菜已經切開兩半，睇到中間部份比較粉紅色。店員介意呢份黑毛豬以7至8成熟嘅熟度會係最好食，果然都仲好細嫩，無論係質感同味道都令我同朋友十分滿意，沾上少少鹽更惹味！
甜品係affogato, 雲呢拿雪糕配冧酒提子，即時解膩，為呢餐畫上句號！
Post
