Woodsage

Open Now

Now Closed

餐廳係近朗屏個邊，雖然同西鐵／輕鐵站都有一段距離，但都唔算好入，所以都方便去。而間鋪既裝修都幾文青，但就唔太大間，所以黎食既話最好book定位先。食物方面，因為得兩個人同埋第一次黎食，所以嗌左一個沙律、一個意粉同兩杯野飲試下先。話說佢既上菜速度超快，好似落左單無耐就上晒菜😂首先講講個炸魷魚金柚沙律，佢底層係沙律菜，而面頭有滿滿既柚子肉，再配一個酸酸甜甜既汁。整體都幾夾，同埋d柚子唔會有澀味，但唔知點解食落會有陣類似羅拔臣啫喱既味😂 而個炸魷魚就唔太脆，味道一般，同埋個人鍾意配大蝦多d🙈之後就係個冬蔭公忌廉海鮮意大利麵，鍾意佢用闊條麵同埋煮得岩岩好，而d海鮮都足料，但隻大蝦食落就有少少霉。整體係幾好食，尤其個汁既稀稠程度岩岩好掛到係意粉度，同埋有冬蔭公味之餘唔會話好辣，因為我平時係頂唔到冬蔭公湯既辣度，但依個就無問題，所以唔食得辣既朋友都可以一戰。最後就係兩杯泰式奶茶，其中一個係有奶蓋。而佢個泰茶好唔錯，飲落茶味濃之餘又唔會話好甜。個人就鍾意無奶蓋多d，因為個奶蓋雖然係好味，但飲落同個泰茶唔太夾，同埋鍾意佢玻璃樽既泰茶係無冰，咁就唔會溝淡d味。總括黎講，服務同食物都有質素，價錢都唔算太貴