土耳其小城 (萬昌樓) (Closed)

見有返晚市堂食之後，正好放工經過元朗就搵埋朋友食晚餐！嚟到豐年站附近見間新特色餐廳，叫土耳其小城就入去試試。首先係頭盤陸洲沙律，以三角豆蓉配上青瓜蘿蔔絲，豆香清新，配埋軟薄餅一齊食，夠哂開胃。之後飲品就到，超級快手！朋友叫杯芒果乳酸，非常濃郁，解香辣簡直一流，我就揀咗蘋果白露，蘋果味濃味道清甜，而且係超驚喜嘅青綠色，最啱打卡。之前係重頭菜，地皇雞配上蒜油烤餅！三大塊烤餅一上枱已經聞好陣陣蒜香，新鮮熱辣仲係脹卜卜嘅，十分推介。我哋用嚟點地皇雞，屬於微辣香草咖喱，雞肉嫩滑，配埋偏酸蕃茄作調味，一流！我配埋枱面三色醬一齊食，味道香濃。我地仲叫咗烤野雞肉卷餅，餅卷香軟，內有生菜、蕃茄、洋蔥，加埋香濃雞肉而且超級多汁，調味相當好，烤得好香勁惹味，下次一定要再食。