Video
Read full review
2020-09-29
42 views
第三波疫情之前，我同朋友放工去咗元朗一間好出名嘅台灣餐廳食嘢。疫情冇得去旅行真係好失落，所以就多咗去台灣餐廳食嘢思鄉。我哋六點幾去到餐廳，唔算太多人，唔使排隊。入咗去冇耐之後就開始多人啦，都見到唔少人叫外賣同埋排隊。所以，如果大家想早啲食嘅話就不妨預早少少時間去。入面都有唔同種類嘅嘢食，例如有牛肉麵、便當同台式甜品。我哋麻麻哋食甜野，不過，我哋見到好多人叫芋頭甜品，類似三文治咁，好大份，睇嚟係名物。疫情期間，餐廳都好細心咁提供左口罩套，抵讚。我哋叫咗牛肉麵（$65）同乾拌麵（$66）同鹽酥雞（$42）。牛肉麵水準不錯，好足料，湯底幾濃厚好大浸藥材味同牛骨味，非常好食。佢嘅牛展都幾淋，面嘅份量都多，仲有幾條菜添。飲佢啲湯都唔會口乾添。乾拌麵面頭有啲肉燥同醬汁，麵質係厚身既闊條麵，類似刀削麵，質地Q彈。但係我唔鍾意佢個汁好似甜醬咁，我本身expect佢係鹹鹹地甜甜地嘅汁，有少少失望。我自己覺得甜嘅汁同刀削麵唔太夾。乾拌麵附送既肉丸湯，令我諗起一乾三濕篇潮文添，可能係攞嚟點麵食都唔出奇。我哋就咁食啲丸係唔錯㗎，彈牙又有肉味，似自製，個湯好重炸蒜同豬油味，夠台味。鹽酥雞炸得外脆，裏面肉質好Ju
我哋六點幾去到餐廳，唔算太多人，唔使排隊。入咗去冇耐之後就開始多人啦，都見到唔少人叫外賣同埋排隊。所以，如果大家想早啲食嘅話就不妨預早少少時間去。
入面都有唔同種類嘅嘢食，例如有牛肉麵、便當同台式甜品。我哋麻麻哋食甜野，不過，我哋見到好多人叫芋頭甜品，類似三文治咁，好大份，睇嚟係名物。
疫情期間，餐廳都好細心咁提供左口罩套，抵讚。
我哋叫咗牛肉麵（$65）同乾拌麵（$66）同鹽酥雞（$42）。
牛肉麵水準不錯，好足料，湯底幾濃厚好大浸藥材味同牛骨味，非常好食。佢嘅牛展都幾淋，面嘅份量都多，仲有幾條菜添。飲佢啲湯都唔會口乾添。
牛肉麵
5 views
0 likes
0 comments
乾拌麵面頭有啲肉燥同醬汁，麵質係厚身既闊條麵，類似刀削麵，質地Q彈。但係我唔鍾意佢個汁好似甜醬咁，我本身expect佢係鹹鹹地甜甜地嘅汁，有少少失望。我自己覺得甜嘅汁同刀削麵唔太夾。
乾拌麵
2 views
0 likes
0 comments
乾拌麵附送既肉丸湯，令我諗起一乾三濕篇潮文添，可能係攞嚟點麵食都唔出奇。我哋就咁食啲丸係唔錯㗎，彈牙又有肉味，似自製，個湯好重炸蒜同豬油味，夠台味。
肉丸湯
11 views
0 likes
0 comments
鹽酥雞炸得外脆，裏面肉質好Juicy，炸雞油溫夠高先做到👍🏿。
鹽酥雞
14 views
0 likes
0 comments
高山茶比較清淡，但又未至於冇茶味嘅，不過不失啦。
高山茶
2 views
0 likes
0 comments
總結，依間餐廳價錢唔貴，衛生唔錯。我特別鍾意佢嘅牛肉麵，都幾值得去試。下次可以試吓唔同嘅菜式，睇吓邊啲自己比較啱食。
Post
