吉祥冰室 (Closed)

愚人節經過元朗，聽聞有間懷舊港式打卡茶餐廳，就去咗嗰度食下午茶！order左兩個茶餐，本身係芝士控嘅我，見到有芝士嘅嘢食就忍唔住要食所以叫左個✅芝士撈丁生炸雞髀配炒滑蛋，圖片可以見到，下午茶份量都算幾大份，再加埋個炸雞髀，完全係邪惡無誤，麵質完全唔會過軟，芝士汁都好濃郁，再加埋有麻油坐鎮，味道香濃，好夾🤤🤤雞髀又唔會炸到好乾，好Juice，皮薄，有手板咁大，份量都夠男士食再配一杯檸七，就夠曬滿足啦！🥳🥳✅飛碟方面就揀咗火腿芝士，麵包烘得夠脆，入邊芝士同火腿熱辣辣，好夠味！餐飲係華田雪山，唔想飲奶茶咖啡咁普通嘅可以試飲呢杯，有五穀麥芽非常健康好飲🤤有維他命E高鈣高纖等嘅營養。餐廳環境方面，當日播住哥哥張國榮嘅歌，完全帶出香港懷舊嘅感覺。