Video
Read full review
2023-06-30
22 views
日日出去好攰唔想去咁遠，但飯點都要食，醒起原來呢間日本野唔錯就近近地去休閒晚市二人餐 $498刺身，卷物，定食，甜品青蘋果蟹子沙律🥗超級鍾意食蟹子沙律嘅我覺得佢好出色，因為佢無論係青瓜，蟹子定沙律醬都好多，加埋青蘋果都係好夾，青蘋果好少食，佢好爽口，而且沙律都算大兜，超級愛❤️三點刺身盛三文魚，油甘魚，八爪魚 刺身都算大片，而且新鮮鰻魚牛蒡炸蝦卷鰻魚,牛蒡,炸蝦,青瓜,肉鬆 卷物炸蝦青瓜肉鬆就經常性都有，牛蒡又經常都有得食，但將牛蒡放落係卷入面真係第一次食食落去蝦香脆，又好香嘅牛蒡同肉鬆味卷物大件，超級飽肚88 mm直徑A5和牛球石頭鍋飯最鍾意石頭鍋飯嘅原因一定係飯焦，嚟到嘅時候熱辣辣咋咋聲，因為牛肉係生牛上，所以佢用好快嘅手拌勻，令佢變熟牛肉，混合埋啲飯一齊雖然佢係A5和牛，但係唔會好油膩，唔算話超級重口味，但食落去都好香，份量都算多鰻魚柳川陶板燒配日本珍珠米好特別，第一次食陶瓷版嘅鰻魚，鰻魚配合左汁再加埋有勁多嘅蛋，撈埋落去個飯都食超出色雖然個蛋唔係滑蛋，但係蛋+汁混合個飯，都有少少似平時鰻魚滑蛋飯嘅感覺，陶瓷版上面嘅汁好香，鰻魚唔多骨，而且放咗喺陶瓷板加熱，好夠熱好好食😋蜜桃烏龍熊
休閒晚市二人餐 $498
刺身，卷物，定食，甜品
青蘋果蟹子沙律🥗
超級鍾意食蟹子沙律嘅我覺得佢好出色，因為佢無論係青瓜，蟹子定沙律醬都好多，加埋青蘋果都係好夾，青蘋果好少食，佢好爽口，而且沙律都算大兜，超級愛❤️
三點刺身盛
三文魚，油甘魚，八爪魚
刺身都算大片，而且新鮮
鰻魚牛蒡炸蝦卷
鰻魚,牛蒡,炸蝦,青瓜,肉鬆
卷物炸蝦青瓜肉鬆就經常性都有，牛蒡又經常都有得食，但將牛蒡放落係卷入面真係第一次食
食落去蝦香脆，又好香嘅牛蒡同肉鬆味
卷物大件，超級飽肚
88 mm直徑A5和牛球石頭鍋飯
最鍾意石頭鍋飯嘅原因一定係飯焦，嚟到嘅時候熱辣辣咋咋聲，因為牛肉係生牛上，所以佢用好快嘅手拌勻，令佢變熟牛肉，混合埋啲飯一齊
雖然佢係A5和牛，但係唔會好油膩，唔算話超級重口味，但食落去都好香，份量都算多
鰻魚柳川陶板燒配日本珍珠米
好特別，第一次食陶瓷版嘅鰻魚，鰻魚配合左汁再加埋有勁多嘅蛋，撈埋落去個飯都食超出色
雖然個蛋唔係滑蛋，但係蛋+汁混合個飯，都有少少似平時鰻魚滑蛋飯嘅感覺，陶瓷版上面嘅汁好香，鰻魚唔多骨，而且放咗喺陶瓷板加熱，好夠熱好好食😋
蜜桃烏龍熊茶
超級可愛嘅啤啤，飲落去好香茶味，唔會好甜，好睇又好飲
北海道芒果牛乳乳酸
乳酸相對於會甜一啲，但味道都唔錯
甜品係雪糕
當天雪糕有三款味道，榴槤、芝麻、海鹽
我哋揀咗榴槤味同埋海鹽味，榴槤味有驚喜，超級濃郁，海鹽味都好香
而且佢用咗鴨仔容器好得意😎
整體食物唔錯，選擇都算多，套餐唔算貴
雖然舖頭唔大，但環境坐得舒適又幾靚幾適合打卡，有啲似去咗日本居酒屋嘅感覺
Post
