Salamat Cafe (Closed)

元朗驚喜西餐廳閨蜜生咗BB坐月，入咗元朗探佢，順便同佢落樓下食晚餐。佢樓下有間細細地，睇落都幾有特色嘅西餐廳，感覺幾好食，閨蜜都食過話好食。咁啱我哋個時間又未到食飯時間，唔使等，所以就食呢間啦。我哋叫咗兩個dinner set，侍應話事出比目魚轉左煮法，C7香脆麵包糠焗比目魚配香燒牛油燒新薯，沙律&番茄沙沙醬同C8香烤蘇梅醬美國豬鞍扒配黑松露粗薯條&田園沙律及凱撒沙律汁，另外再加左$18要餐湯，大蒜忌廉湯。大蒜忌廉湯好特別，蒜味好濃，唔似中式嘅蒜味，好味。另外個外型都好好睇，增加左好味分數。另外蒜蓉包，似厚多士加蒜蓉，好鬆化。香脆麵包糠焗比目魚配香燒牛油燒新薯，沙律&番茄沙沙醬廚師整得好好，魚外面煎焗得好鬆脆，乾身，但係入面都仲好鮮，有魚肉香咸嫩滑，小小咸，不過連埋番茄沙沙醬一齊食就夾晒，酸甜鹹香配合得好，口味豐富。香烤蘇梅醬美國豬鞍扒配黑松露粗薯條&田園沙律及凱撒沙律汁塊豬鞍扒勁大，大過我隻手掌，肉都好厚。扒上的蘇梅醬好特別，我覺得好好味，另外豬扒入面好熱，唔會好似出邊嗰啲餐廳咁，肉面熱入邊只係暖，連埋醬一齊食，好味。食淨一條骨～攤下野，飲下茶，吹下水，enjoy。