潮龍清湯腩 (Closed)

夜晚諗住簡單食一餐，揀粉麵檔就最好架啦！朋友叫左清湯牛坑腩幼麵 ($32)，我叫左鴛鴦牛腩米線 ($39)，另外加咗 ($10) 腩汁蘿蔔好欣賞呢間舖頭嘅湯底調味啱啱好，唔會過鹹，同埋食完唔會好口渴，應該冇味精😂 牛坑腩湯底比較甜，肉質比崩沙腩瘦，但係食落夠腍，牛味亦都好重😋鴛鴦牛腩有潮式清湯腩同廣府式柱候牛腩兩款肉，湯底比較濃味😋我自己鍾意清湯腩多啲，因為肉質食落非常軟熟，同樣牛味都係重。柱候牛腩就會相對乾身少少~蘿蔔冇渣，本身都甜，同埋冇刻意浸糖水嗰種味，加埋腩汁好好食😋最後我哋仲叫咗兩樽雪梨菊花茶，細細樽份量啱啱好，老闆話係自己煲，夏天飲啱晒👍🏻三款牛腩各有風味，呢個價錢來講CP值幾高🤣