Video
Read full review
2020-06-25
243 views
早排去「得閒飲茶」飲茶，見呢間點心專門店可以全日免加一，好抵食。同幾個朋友食咗好多點心，埋單每人只係需要俾五十蚊左右，經濟實惠。而且點心味道唔錯，做到價廉物美，性價比幾高。小籠包比想像中大隻，分量有如湯包。灌湯肉餡濕潤鮮香，但外皮略厚，無小籠包應有個種吹彈可破嘅外層。蟲草花冬菇棉花雞入面鬆軟嘅魚肚吸滿雞肉精華，味道濃郁。配上蟲草花、蒸雞，口感、味道更有層次。有別於點心紙上大部分嘅傳統菜式，呢道日式翡翠豆腐更似一款中日crossover嘅自創炸點。麵衣鬆脆透薄，有如天婦羅外層，而內餡則似日式玉子豆腐。豆腐豆味唔突出，反而混入蔬菜嘅炸漿更惹味。排骨嘅油脂同醬汁滲入爽滑煙韌，Q彈可口嘅陳村粉，令原本平平無奇嘅粉皮肉香四溢。而且蒸排骨加咗粉麵後令人易飽肚，可以同盅飯一樣當主食，定價$25一份相當抵。黃金糕金黃奪目，椰香撲鼻。切開見到絲絲蜂窩狀，證明蒸發得宜。入口煙韌柔軟，甜而不膩。但蒸糕溫度稍涼，如果可以熱辣辣上枱就更好味。灌湯餃入面有蟲草花同花膠，用料矜貴。湯餃汁香滿盈，肉餡飽滿味濃。叉燒用料額多，分佈平均，每塊都有肉。腸粉皮軟熟滑溜，但略厚，尤其是粉皮重疊位置，影響口感。流沙包貓咪造型可愛
早排去「得閒飲茶」飲茶，見呢間點心專門店可以全日免加一，好抵食。同幾個朋友食咗好多點心，埋單每人只係需要俾五十蚊左右，經濟實惠。而且點心味道唔錯，做到價廉物美，性價比幾高。
灌湯京滬小籠包
$25
6 views
0 likes
0 comments
小籠包比想像中大隻，分量有如湯包。灌湯肉餡濕潤鮮香，但外皮略厚，無小籠包應有個種吹彈可破嘅外層。
蟲草花冬菇棉花雞
$30
6 views
0 likes
0 comments
蟲草花冬菇棉花雞入面鬆軟嘅魚肚吸滿雞肉精華，味道濃郁。配上蟲草花、蒸雞，口感、味道更有層次。
日式翡翠豆腐
$34
16 views
0 likes
0 comments
有別於點心紙上大部分嘅傳統菜式，呢道日式翡翠豆腐更似一款中日crossover嘅自創炸點。麵衣鬆脆透薄，有如天婦羅外層，而內餡則似日式玉子豆腐。豆腐豆味唔突出，反而混入蔬菜嘅炸漿更惹味。
陳村粉蒸排骨
$25
12 views
0 likes
0 comments
排骨嘅油脂同醬汁滲入爽滑煙韌，Q彈可口嘅陳村粉，令原本平平無奇嘅粉皮肉香四溢。而且蒸排骨加咗粉麵後令人易飽肚，可以同盅飯一樣當主食，定價$25一份相當抵。
椰香黃金糕
$18
11 views
0 likes
0 comments
黃金糕金黃奪目，椰香撲鼻。切開見到絲絲蜂窩狀，證明蒸發得宜。入口煙韌柔軟，甜而不膩。但蒸糕溫度稍涼，如果可以熱辣辣上枱就更好味。
蟲草花花膠灌湯餃
$30
13 views
0 likes
0 comments
灌湯餃入面有蟲草花同花膠，用料矜貴。湯餃汁香滿盈，肉餡飽滿味濃。
蜜汁叉燒腸
$18
14 views
0 likes
0 comments
叉燒用料額多，分佈平均，每塊都有肉。腸粉皮軟熟滑溜，但略厚，尤其是粉皮重疊位置，影響口感。
貓咪流沙包
$26
9 views
1 likes
0 comments
流沙包貓咪造型可愛，粉紅外皮顏色鮮豔，賣相討好。蒸包鬆軟香甜，奶皇餡味道濃厚。不過流心效果一般，唔太澎湃。
Post
