堅信號上海生煎皇 (形點 II)

Open Now

Now Closed

難得閒日入元朗，行完Yoho就順便同朋友去食堅信號。Menu選擇都算多。我地叫左生煎包，生煎包個底煎到好香脆，香口得嚟咬落肉汁豐富。仲有食用教學添！堅麻辣系列都好正咁，因為朋友唔太好辣，所以只係叫左個麻辣青瓜試下，青瓜好爽口，食落又唔會話好辣。糖醋排骨menu上寫有5件，但上餐見到唔止5件，有成7 、8件，排骨好𣺉，一咬就甩骨，仲酸酸甜甜咁好開胃。堅信號秘製豬扒擔擔麵，欣賞佢豬扒同麵分開上，咁就唔怕秘製豬扒俾啲湯搶左味。一碗擔擔麵份糧算多，個湯好濃味，有少少辣辣地。豬扒醃到好入味，咬落軟硬啱啱好。叫左熱嘅杯桂圓紅棗茶，養生又好飲。走嗰陣時見到都仲有唔少人等外賣，睇返menu都幾抵食咁。