鴻運麵包餅店

Open Now

Now Closed

我諗元朗搵唔到 比鴻運更平、更抵食既蛋撻。$3個，無論餅皮定酥皮，都係$3！！真係意想不到既價格！而且！買五送一，即係$15半打！有六個！$3，仲有老婆餅、皮蛋酥、叉燒酥、豆沙酥、燒餅，都係$3！！比出邊餅店都要平！位置係街市附近，比較偏少少，人流唔算多，個門面比較簡陋。半打揀左1個酥皮，5個餅皮，蛋好滑，不過稍甜左少少，個餅皮唔算太鬆化、都脆。酥皮有好多層，食到個層次感。$15六個真係無咩好挑剔！呢個質素係對得住個價格~有經過又口痕的話，會買，絕對係抵食！