芭堤雅泰國餐館

Open Now

Now Closed

踏入六月，準備要去泰國，係未去泰國之前，先嚟個泰式美食之旅預習🤣 練一練大個隱形貨櫃胃～元朗呢間芭堤雅泰國餐館，位於平民住宅一個小角落，環境清幽雅靜，唔知真係以為自己去咗泰國～ 假日午市套餐性價比高，超抵食，已經成為我嘅元朗必食選之一！咸香海南雞配油飯海南雞超軟滑，無骨啖啖肉，食到舔舔脷😋椰香黃咖喱牛腩配薄餅唔好睇啲薄餅細細角咁，其實只係摺埋～ 一攤開其實好大塊😲 薄餅烤到非常鬆化香脆，沾上椰香黃咖喱一齊食，好香～ 而且唔太辣，唔食辣嘅朋友都可以一食，品嚐黃咖喱嘅椰香滋味～飛天通菜通菜用咗炸蒜加甜豆醬同辣椒炒，香辣又惹味，真係好辣好刺激～ 好彩有杯泰式綠奶茶中和返辣味，配搭起嚟剛剛好～黃金蝦餅蝦餅厚肉彈牙香脆，新鮮熱辣🫶🏻香煎蠔仔蛋餅蠔仔蛋餅大大份，蠔仔超多，跟蛋炸到超香脆～ 而蛋餅下面舖滿肥嘟嘟又清新嘅芽菜，夾住蛋餅一齊食就一啲都唔油膩，可以越食越多😋😋😋泰式青檸茶泰式香料茶味獨特，飲落清新醒神～泰式綠奶茶綠奶茶味道好特別，加有獨特香料，同玫瑰乾花瓣～ 芳香奶濃，而且幼滑～ 華田香蕉飛碟甜品嗌咗Special Menu上嘅華田香蕉飛碟~原來飛碟唔係普通嘅厚麵包，而係泰式薄餅，煎到香脆