Video
Read full review
2017-01-04
540 views
情人節仲有一個月就快到，咁今日就介紹你一間氣氛唔錯位於元朗嘅餐廳: ME'N'U Homemade Fusion。十二月中旬，家人同我講安寧路又開咗新餐廳，去到門口見裝修都幾別緻，咁就吸引咗我入去試下新嘢。食物水準中上，裝飾加分！雖然聖誕節就過咗，但係嚟緊情人節會出動去元朗食嘢嘅朋友就切勿錯過喇！裝修樓頂高夠氣派，好有空間感之餘，牆身用咗水泥、加啡色木枱配黃色嘅燈，rawraw地，氣氛相當唔錯！再配合下一啲節日氣氛嘅裝飾，置身係其中嘅你一定會覺得好享受！～～～～～～～打開個餐牌，裏面嘅種類繁多，比較偏食嘅朋友都有好多選擇！簡單介紹下：眼見嘅餐牌已經包含咗印度菜、美國菜、意大利菜等等。講咁多，梗係要介紹下我個晚食咗啲乜。首先頭盤一碟沙律無走雞：芝麻吞拿魚沙律。份量都幾多，可以供四人食用；調味料同吞拿魚配合得宜；蔬菜眼見都好新鮮。叫咗兩杯飲品，分別係 熱情果果汁同雜莓乳酪。個人推介飲果汁！食太多好溜都可以整番啖果汁，酸味味好解渴。等咗一陣，尼泊爾咖哩雞連烤餅又送到！尼泊爾咖哩嘅口味食得出由蕃茄加唔同香料烹調而成，所以味道係甜甜地同咸咸地，當中帶些微嘅蕃茄酸。（如果預期想食辣咖哩嘅朋友，我會
位於元朗嘅餐廳: ME'N'U Homemade Fusion。
十二月中旬，家人同我講安寧路又開咗新餐廳，去到門口見裝修都幾別緻，咁就吸引咗我入去試下新嘢。
食物水準中上，裝飾加分！雖然聖誕節就過咗，但係嚟緊情人節會出動去元朗食嘢嘅朋友就切勿錯過喇！
裝修樓頂高夠氣派，好有空間感之餘，牆身用咗水泥、加啡色木枱配黃色嘅燈，rawraw地，氣氛相當唔錯！
再配合下一啲節日氣氛嘅裝飾，置身係其中嘅你一定會覺得好享受！
～～～～～～～
打開個餐牌，裏面嘅種類繁多，比較偏食嘅朋友都有好多選擇！
簡單介紹下：眼見嘅餐牌已經包含咗印度菜、美國菜、意大利菜等等。
講咁多，梗係要介紹下我個晚食咗啲乜。首先頭盤一碟沙律無走雞：芝麻吞拿魚沙律。
份量都幾多，可以供四人食用；調味料同吞拿魚配合得宜；蔬菜眼見都好新鮮。
28 views
0 likes
0 comments
13 views
0 likes
0 comments
個人推介飲果汁！食太多好溜都可以整番啖果汁，酸味味好解渴。
21 views
0 likes
0 comments
等咗一陣，尼泊爾咖哩雞連烤餅又送到！尼泊爾咖哩嘅口味食得出由蕃茄加唔同香料烹調而成，
所以味道係甜甜地同咸咸地，當中帶些微嘅蕃茄酸。
（如果預期想食辣咖哩嘅朋友，我會建議你試其他口味）
尼泊爾咖哩雞配香蒜烤餅
$88
27 views
0 likes
0 comments
一啖餅，一啖咖哩雞，口水都流。
最後一個主菜！燒肋骨配薯菜（半），雖然賣相無令我哇然，但個燒肋骨個肉質就嘩～好嫩口！
只要用叉輕輕一郁，啲肉同骨就輕易甩開，
連箍緊牙無乜牙力嘅我都輕易食到啲肉，所以公公婆婆都一定食到！
個薯菜雖然係配角，但佢都做好本份被發揮得淋漓盡致。
所以話 原隻薯仔切完炸、皮脆餡夠。真係好滿足。
19 views
0 likes
0 comments
至於價錢，相比其他貴價餐廳，呢間價錢適宜，又免收加一。
所以，仲唔快啲卜枱預備情人節！？
Post
