Woodsage

Open Now

Now Closed

朋友生日，揀左呢間餐廳，其實以前都食過一次，印象係幾好味，之後又聽其他朋友講起好食，於是就卜左枱食。平日加上位置較偏，人流未算多，亦未見坐滿，店內裝潢簡約，算是傾計好地方。同朋友分別叫左奶蓋抹茶、奶蓋泰式奶茶，奶蓋是好味的！😋泰式奶茶味濃，略嫌遮蓋左奶蓋嘅味道，如果叫奶蓋烏龍茶應該會較出色。第一道菜式是櫻花蝦餅，好有驚喜，份量唔算多，size唔算大，但非常香口，而且好濃蝦味，配合泰式醬汁令味道更加昇華。第二道菜是松露芝士薯條，熱辣辣即炸嘅薯條，配黑松露醬係冇得輸嘅配搭！第三道菜是軟殼蟹擔擔紅咖喱意大利面，軟殼蟹足料又脆口，意大利麵帶有濃濃嘅花生味，帶點紅咖喱嘅辣味，算不錯。可惜配搭唔啱我個人口味。最後一道菜非常有驚喜，泰式燒雞配薯蓉，起初以為會好難切，點知肉質非常嫩滑，而且好淋，仲好juicy，配上泰式嘅醬汁，簡直冇得彈！連薯蓉都好好味！回頭率100%！值得一題是店員服務亦好好，去洗手間行過走廊時，店員很貼心會提點有熱水，小心燙到。