成記茶寮

Open Now

Now Closed

今日去咗元朗搵好嘢食。我上網睇左，知道原來元朗有一間好出名食豬扒飯嘅茶檔。我十二點半嚟到已經大排長龍。呢間係一間茶寮，格局類似大排檔咁樣，要自己搵位坐嘅，由於太多人嘅關係，我都等左一陣先有位。坐低只係開始的第一步，原來嗌嘢食都要話等起碼20分鐘。點左個豬扒飯跟雞翼，要咗佢呢度最出名嘅豉油汁。加埋一杯凍檸茶。嘩飯同雞翼終於都嚟啦，見到個豬扒好大塊而且都幾厚，真係貨真價實。豉油汁偏甜，豬扒半肥瘦，咬落鬆軟，但又唔似係落咗好多鬆肉粉有啲苦味嗰一種。所以豬扒真係幾好食嘅。而豉油撈飯都好好味。至於雞翼反而有啲失色，並唔係汁嘅問題，可能係雞翼滷得太耐，所以有點鞋。凍檸茶就不過不失啦。總結塊豬扒係好味嘅，只不過䜴油汁偏甜，但都係值得一試嘅。