倆口小吃 (Closed)

星期日3點嚟到都依然勁多人買，買包5分鐘唔使就拎到~🍴傳統刈包加柚子醬 $45 (9.5/10)五花滷肉、酸菜、花生碎、莞茜及柚子醬，五花滷肉以豉油、台灣醬油膏及橙汁等醃煮兩小時入味，甘甜夠腍。份量都好足，食完半飽！個包好鬆軟，甜甜地，軟腍腍，淨包都好食！入邊係有花生酸菜柚子醬肥豬肉芫荽，肥豬肉係超腍超鬆化，入口即溶咁，一啲都唔膩，花生加柚子加酸菜冇諗過係咁夾食落去好fresh，好開胃！真心好好食！推薦指數: 9.5/10真心係我食過全港最好食嘅刈包，冇誇張，感受到好認真用心整，成個配搭好食又夾～📍倆口小吃 (元朗)元朗鳳攸北街5-7號順豐大廈地下18號舖