濠客蒸氣海鮮 (Closed)

成日都會去鳳攸南街搵嘢食，見又已經冬天黎臨，當然係想食啲暖胃啲嘅嘢，就揀咗呢間海鮮蒸氣鍋食。睇一睇Menu，有四款選擇，由$298-698/人都有。今次第一次嚟先食一次個黃金套餐先🤪海鮮都爆咗好多種，最重點嘅當然係奄仔蟹、澳洲龍蝦、鮑魚，其餘嘅貝類都唔少。醬料同普通火鍋店差唔多，蔥呀辣椒、蒜蓉、豉油。坐咗一陣成個海鮮拼盤就送到黎，店員會幫我地計時同埋落海鮮，我哋只係需要等食就OK🤪望一望左啲貝類，隻隻都夠晒大，就咁用眼睇都覺得啖啖肉。澳洲龍蝦每人半隻，其餘鮑魚啊元貝蒸幾分鐘就可以食。最後結合左海鮮嘅精華，食埋個海鮮粥，成餐飯夠晒豐富！