鐵皇日式鐵板燒 (Closed)

食鐵板燒最開心係睇師傅表演，可以同時享受到視覺同味覺既滿足，之前就去左元朗一間開業八年嘅鐵板燒店-鐵皇，來慰勞一下自己平時辛苦工作。泰國大虎蝦師傅係鐵板上面，三兩下手勢就劏開咗隻大蝦， 仲去埋殼， 然後淋上秘製醬汁， 好快就食得。 果然係巨蝦啖啖肉， 而且肉質鮮甜彈牙， 加埋醬汁好惹味， 蝦頭仲有好多蝦膏， 口感好充實。青島活鮑魚用咗非常新鮮嘅活鮑魚， 喺鐵板上面即時處理 ，去殼切件師傅又係非常乾淨俐落， 同樣淋上秘製醬汁， 令爽口彈牙嘅鮑魚更有鮮味。桂花蚌桂花蚌有成隻手臂咁長， 好誇張 ，而且劏好又清洗好， 係鐵板上面好快就煎熟， 肉質好嫩滑爽口，味道鮮甜， 點埋師傅嘅秘製醬汁，令人一食到口接一口。美國牛肉薄燒選用美國prime牛肉，牛味濃郁。師傅好快手煎到五成熟就可以上碟，令到口感更加嫩口，而且牛肉本身既肉汁再加上師傅嘅秘製醬汁，令味道更上一層樓，好食。孜然羊肉炒飯同平時食開牛肉炒飯唔同，師傅改左用羊肉配上孜然粉，令到味道更香濃，啖啖都食到羊肉獨特既香味，絕對係重口味人仕之選。