芭堤雅泰國餐館

Open Now

Now Closed

以前都有嚟食過芭堤雅泰國菜館，裝修之後就未食過，趁着閑日夜晚屋企人冇煮飯😗終於可以試吓。我哋星期二夜晚8:00左右去到，都座無虛席好熱鬧。食泰國嘢點少得生蝦同豬頸肉做頭盤😃生蝦大隻爽甜，最正係旁邊嘅泰式醬！辣得來又酸酸地，調味好好。豬頸肉亦好有炭燒香，肥瘦啱啱好，亦都唔會切得好薄，有咬口。另外青檸明爐烤魚都係好深刻！我諗全元朗都搵唔到咁平🤣$148原條烏頭。抵食又好味，而家咁凍，食返啲蛋白質暖笠笠😊啲魚都幾滑，個湯汁酸酸甜甜，另外如果想食辣啲，店家都有準備辣椒醬汁，好貼心。蒜蓉包外觀真係好吸睛，每一口都好有蒜香味，我呢個麵包控自己一個人食一個都得🤣泰式炒寬粉我都好中意，寬粉煙靭掛汁，炒得好有鑊氣，好鍾意呢度係每一樣餸都係熱辣辣，就即刻上枱👍🏻要讚。最後食埋個椰子雪糕就圓滿🥰擺盤好靚，令我諗起之前曼谷食嘅椰子雪糕😝整體嚟講四個人食咗八百幾蚊左右，食到飽晒大滿足。一定會再光顧。