Video
Read full review
2022-10-20
151 views
天浮橋拉麵📍 元朗西菁街20號益輝大廈地下12號舖呢日朋友約咗我放工同佢一齊去元朗食晚飯，我哋喺千色後面見到呢間有富有日本特色裝修嘅店舖，於是被佢吸引咗過去睇吓。原來佢係一間拉麵店，仲有沾麵食添，因為我哋都好鍾意食拉麵，所以就決定喺呢度食晚餐啦。 💰$88翡翠濃湯拉麵 🥬🍜睇個名可能唔知呢款係咩拉麵，只係靠睇圖知道係綠色嘅湯底，為咗更清楚佢係乜嘢湯底，我哋同店員查詢咗。店員好細心咁解釋呢款湯底其實係用自家濃湯，再加上菠菜打成嘅蓉整成嘅。拉麵嘅麵條好粗，佢似一般沾麵嘅粗幼度，麵質食落煙煙韌韌，非常掛湯。湯底嘅味道有少少似淡味版嘅青醬，但佢無青醬咁鹹，而且因為加咗自家製雞白湯，令到湯底好幼滑，食落好清新，感覺上比較健康。配菜嘅溏心蛋同錦爽雞腿肉做得好出色，溏心蛋足足有成隻匙羹咁大，一咬開啲蛋漿就流晒出嚟，半生熟嘅口感真係一流！而雞腿肉就有好香嘅香料味，最神奇嘅地方係一般食拉麵嘅叉燒都比較鹹同鞋身，但佢哋用嘅雞腿肉就非常之嫩滑，雞肉同清新嘅湯底好夾，係我哋食過數一數二嘅拉麵之一！ 💰$90海老味噌拉麵 🦐🍜如果你同我一樣鍾意濃味啲嘅，可以試吓呢款海老味噌拉麵。佢嘅湯底比起翡翠濃湯多咗櫻花蝦同
📍 元朗西菁街20號益輝大廈地下12號舖
呢日朋友約咗我放工同佢一齊去元朗食晚飯，我哋喺千色後面見到呢間有富有日本特色裝修嘅店舖，於是被佢吸引咗過去睇吓。原來佢係一間拉麵店，仲有沾麵食添，因為我哋都好鍾意食拉麵，所以就決定喺呢度食晚餐啦。
[價錢 Price]
💰$88
翡翠濃湯拉麵 🥬🍜
睇個名可能唔知呢款係咩拉麵，只係靠睇圖知道係綠色嘅湯底，為咗更清楚佢係乜嘢湯底，我哋同店員查詢咗。店員好細心咁解釋呢款湯底其實係用自家濃湯，再加上菠菜打成嘅蓉整成嘅。拉麵嘅麵條好粗，佢似一般沾麵嘅粗幼度，麵質食落煙煙韌韌，非常掛湯。湯底嘅味道有少少似淡味版嘅青醬，但佢無青醬咁鹹，而且因為加咗自家製雞白湯，令到湯底好幼滑，食落好清新，感覺上比較健康。配菜嘅溏心蛋同錦爽雞腿肉做得好出色，溏心蛋足足有成隻匙羹咁大，一咬開啲蛋漿就流晒出嚟，半生熟嘅口感真係一流！而雞腿肉就有好香嘅香料味，最神奇嘅地方係一般食拉麵嘅叉燒都比較鹹同鞋身，但佢哋用嘅雞腿肉就非常之嫩滑，雞肉同清新嘅湯底好夾，係我哋食過數一數二嘅拉麵之一！
[價錢 Price]
💰$90
海老味噌拉麵 🦐🍜
如果你同我一樣鍾意濃味啲嘅，可以試吓呢款海老味噌拉麵。佢嘅湯底比起翡翠濃湯多咗櫻花蝦同一啲香油，整個湯底味道更濃，啱晒重口味人士之餘，又唔會死鹹，飲得出佢嘅湯底係用心同用真材實料去烹煮嘅。至於其他嘅配菜，包括雞肉同溏心蛋就同翡翠濃湯拉麵無咩分別，一樣咁好味！
[價錢 Price]
💰$22 (5隻)
我哋仲追加咗一份餃子，餃子嘅皮煎得香脆，但裏面嘅肉汁依然鎖住晒，一啲都唔乾，而且味道適中，唔會過鹹，點埋餃子醋食，真係好正！
[價錢 Price]
💰$200
兩人晚餐食咗啱啱好$200 ，喺元朗嚟講都算係正常價位，但依個價錢食到兩碗咁高質素嘅拉麵，仲加埋一份小食，食到兩個人都攬住個肚走，真係良心價好值得支持，下次嚟會再想試吓佢招牌嘅雞白湯、好特別嘅黑松露濃湯同冷熱沾麵！
Post
