黑木亭-お食事処 (玉成大廈) (Closed)

鐵板活海鯧 $268呢個鐵板鰻魚超好味，佢嘅蒲燒汁調味較為淡，食到鰻魚嘅鮮味。而且喺鐵板上邊亦都可以有效保持溫度。肉質非常厚，但依然保持到水份，爽脆香甜，外皮焦香帶點煙韌，油分都好豐富，層次感相當好！唐揚小池魚$68呢個就好似炸多春魚咁，但係佢比起多春魚酥脆好多，骨都比較幼，口感比較一致！A5宫崎和牛舞茸野菌薄燒 $288呢個小編非常推薦，和牛嘅份量非常多，外表睇落去色澤好靚，薄燒和牛將油香逼曬出黎，加埋野菌獨特嘅香味，真係隔籬枱都聞到。牛肉肉質好嫩，輕輕都咬得開！入口即溶，牛香係口腔徘徊！細心嘅，係用咗野菌墊底，牛肉嘅油會隔底，但我地開始食野菌嘅時候又會有豐富嘅油香！蜜桃烏龍熊茶 $58小編比較鍾意呢個蜜桃烏龍茶茶香較重，今日咁豐富嘅晚餐有佢解膩非常好，蜜桃烏龍清香，熊仔糖用埋增加甜度，配搭幾好！北海道士多啤梨牛乳乳酸 $48士多啤梨真係好甜，配埋乳酸比起蜜桃烏龍更加解膩。