Video
Read full review
2021-11-03
1041 views
元朗形點既 One & a Half 係新開業餐廳，走日系Fusion輕食路線既小館。夜晚餐廳幽暗風幾有情調，幾適合情侶用膳。裝修以木系同墨綠色為主，室內位置唔算大但有埋室外位置，如果天氣唔熱坐出面應該都幾有氣氛。有一排落地玻璃吧枱位，日間係呢到歎咖啡甜品享受日光應該唔錯。.餐牌上面既飲品、甜店種類繁多，件件賣相精緻，某程度上應該係定位打卡甜點同小咖啡廳既路線。晚飯時間黎到要先試下相對無咁多選擇既主食。主食同樣地賣相精美，點選主食仲可以加錢轉套餐有餐湯、甜品或飲品。.日式肉燥火山丼配日式唐揚雞 💲118⭐️4/5俾餐牌上面張相吸引住，呢份日式肉燥火山丼整到成座富士火山一樣，上面有隻靚靚糖心蛋，被肉燥包圍住，淨係個 Presentation打卡滿分。肉燥比想像中好食唔係得個樣，味道濃助飯一流。配埋4件小炸雞塊份量剛好。 灸燒美國安格斯牛肉（五成熟）+ 配湯烏冬 💲168 + 💲28⭐️4/5其實佢本身餐牌都有一款係安格斯牛肉烏冬，但因為呢份五成熟既灸燒美國安格斯牛肉賣相比較吸引同份量較多，反正叫主食可以加錢配湯鳥冬所以拆散左黎叫。牛肉5成熟剛好，口感香嫩配埋醬汁食醒胃野味。烏冬份量略少，正常
.
餐牌上面既飲品、甜店種類繁多，件件賣相精緻，某程度上應該係定位打卡甜點同小咖啡廳既路線。晚飯時間黎到要先試下相對無咁多選擇既主食。主食同樣地賣相精美，點選主食仲可以加錢轉套餐有餐湯、甜品或飲品。
.
日式肉燥火山丼配日式唐揚雞 💲118
⭐️4/5
俾餐牌上面張相吸引住，呢份日式肉燥火山丼整到成座富士火山一樣，上面有隻靚靚糖心蛋，被肉燥包圍住，淨係個 Presentation打卡滿分。肉燥比想像中好食唔係得個樣，味道濃助飯一流。配埋4件小炸雞塊份量剛好。
灸燒美國安格斯牛肉（五成熟）+ 配湯烏冬 💲168 + 💲28
⭐️4/5
其實佢本身餐牌都有一款係安格斯牛肉烏冬，但因為呢份五成熟既灸燒美國安格斯牛肉賣相比較吸引同份量較多，反正叫主食可以加錢配湯鳥冬所以拆散左黎叫。牛肉5成熟剛好，口感香嫩配埋醬汁食醒胃野味。烏冬份量略少，正常水平。
.
蘋果批炸蛋蛋糕 💲78
⭐️4/5
炸蛋蛋糕應該係餐廳招牌特色甜品之一，因為想清新少少唔想太甜膩，所以係4款炸蛋蛋糕入面挑選左蘋果批版本。半球裝既雪糕蛋糕入面包住蘋果餡料同脆脆，味道好清甜不膩，精緻得黎好味。
.
總結：全部食物都係水準之上，擺盤同埋設計、甚至餐具都好有心思。不過因為始終係新開餐廳，運作未算順暢。例如餐牌上面某些菜式應該仲未準備好未推出；另外係預計食物份量方面未係好夠經驗，偷聽到隔離檯點既唔少款式都提早售罄。另外，可能廚房人手未係十分充足，所以係全場爆食客爆滿既情況下，主食都等咗一段時間。不過我覺得可以理解。由於餐廳無論係外在既小節位同內在食物質素方面都幾好，有少少喜出望外，所以會考慮二三訪試埋其他有趣既菜式同甜品。
.
不專業食評 nei.foodie
日式肉燥火山丼配日式唐揚雞
$118
28 views
0 likes
0 comments
灸燒美國安格斯牛肉（五成熟）
$168
26 views
0 likes
0 comments
灸燒美國安格斯牛肉（五成熟）
$168
22 views
0 likes
0 comments
湯烏冬
$28
14 views
0 likes
0 comments
蘋果批炸蛋蛋糕
$78
16 views
0 likes
0 comments
蘋果批炸蛋蛋糕
$78
25 views
0 likes
0 comments
Post
