夏捌月 (Closed)

之前有一排迷上左呢間餐廳，因為好小西式餐廳做到呢個價錢。以我今次食的板燒鑊仔牛柳為例，盛惠$64，但個份量真係好豐富，有三塊牛柳仔，幾舊薯角，一份沙律菜同埋可以選擇配飯或者意粉。值得一提的係牛柳煎我唔錯，7成熟岩岩好可以lock住入面D肉汁，但又唔會太多血水，正。飲品方面，跟餐包左一杯熱飲，佢另外的特色係可以加$2轉樽仔凍奶茶，店家係一早沖定調好味的奶茶，再放落雪櫃正凍佢，咁樣可以解決平時飲凍飲個時，愈飲愈淡的問題，誠意分十足。