再來一煲 (好順景大廈1座)

Open Now

Now Closed

朋友提議嚟呢度食雞煲，平日夜晚7點去到已經坐滿人，好彩有訂到位！QR Code落單，無漏單，亦都好快上菜；員工好nice又勤快，有求必應見到做緊優惠喎，比大家參考下店員介紹佢哋嘅辣椒油係自家秘製，特別辣先點個「招牌魔鬼雞煲」，店員介紹配方係同出面一般嘅雞煲唔同嘅，無用一般常見嘅花椒八角，而係用世界上最辣十大辣椒之一”印度魔鬼椒”🌶️🌶️🌶️🌶️🌶️再配自家秘製醬汁炒製，辣中帶甜，辣度由手抱BB辣到變態辣任君選擇，鍾意食辣嘅人可以挑戰變態辣🥵🥵我同朋友唔太食得辣，揀咗手抱B辣，比BB辣輕微一級，啱啱好呀店員會親自出馬計準時間炒雞件，炒到外面微焦，再焗一陣食得，醬汁入晒味🤤雞種係走地麻雞，肉質夠滑夠彈牙，味道比想像中岀色😋牛魔王拼盤，個人覺得係必嗌講過N次打邊爐一定要食牛，一個拼盤可以試哂咁多款牛係最好，唔使用腦唔使煩腦🤭拼盤有齊牛小排、牛吊龍、牛胸油、牛臉頰、封門柳、鮮滑牛、牛舌、牛筋丸，賣相一流 ，睇落色澤好新鮮，每款份量都唔少，每款都好有牛味，有少少雪花邊唔會太瘦，切嘅厚度適中，有咬口一直好like牛胸油，淥完好爽口仲有啲肉脂感，曾經有人教過食時一片牛胸油配一片肉一齊食會更加好味，不妨試吓😋😋