Video
Read full review
2018-07-27
841 views
今日路過荃灣大鴻輝地面有人派傳單話有新餐廳開咗，有新張優惠，我見喺一樓咁近就上咗去望望。一來到見到係勁似元氣高速線嘅格局，又係用pad來點菜，由輸送帶送到面前。見佢咁新淨，我又貪新鮮，所以入咗去試試。用pad點菜似足元氣高速線，但茶杯筷子等餐具係自助，呢一方面就似爭鮮迴轉壽司。就用pad點菜好方便，pad上會清楚顯示食物嘅賣相和價錢，還有點菜時間，同埋全張訂單嘅價錢。當食物準備來時，pad上會有提示。當食物一來到，狀態就會顯示成為一個剔號。來講返食物先，由於新張期內，食滿$200就會送價值$200嘅優惠券，所以我地叫夠$200。 因為係新張期，所以我地決定叫齊所有新張特價食品。先來一份炸墨魚仔 ($28)，估唔到係全日最好食的食物。熱辣辣剛炸好，不過味粉太重手，偏鹹。之後食了特價松葉蟹鉗烏冬餐($48)包一罐可樂。d蟹鉗都幾難食，冇乜肉又冇乜味。特價的炸蟹鉗 ($28)，好難食，同我烏冬入面嘅蟹鉗一樣係冇肉冇味。後來食咗好幾樣野，份量都不太多，味道好一般，似明將嘅質素，外帶爭鮮嘅味道比這裡好。食晒已來到嘅食物，都未見我份鮮蝦和風沙律，於是我問問職員，職員幫我查問後話因爲未有貨，所以提供
用pad點菜似足元氣高速線，但茶杯筷子等餐具係自助，呢一方面就似爭鮮迴轉壽司。就用pad點菜好方便，pad上會清楚顯示食物嘅賣相和價錢，還有點菜時間，同埋全張訂單嘅價錢。當食物準備來時，pad上會有提示。當食物一來到，狀態就會顯示成為一個剔號。
來講返食物先，由於新張期內，食滿$200就會送價值$200嘅優惠券，所以我地叫夠$200。 因為係新張期，所以我地決定叫齊所有新張特價食品。
先來一份炸墨魚仔 ($28)，估唔到係全日最好食的食物。熱辣辣剛炸好，不過味粉太重手，偏鹹。
墨魚仔
$28
67 views
1 likes
0 comments
之後食了特價松葉蟹鉗烏冬餐($48)包一罐可樂。d蟹鉗都幾難食，冇乜肉又冇乜味。
松葉蟹鉗烏冬
$48
68 views
0 likes
0 comments
特價的炸蟹鉗 ($28)，好難食，同我烏冬入面嘅蟹鉗一樣係冇肉冇味。
炸蟹鉗
$28
46 views
0 likes
0 comments
後來食咗好幾樣野，份量都不太多，味道好一般，似明將嘅質素，外帶爭鮮嘅味道比這裡好。
食晒已來到嘅食物，都未見我份鮮蝦和風沙律，於是我問問職員，職員幫我查問後話因爲未有貨，所以提供唔到，雖然部機上顯示為已下單，但已幫我取消了。（果然係新開張，喺系統上還有bug。其實如果未有得賣，點解唔直接喺部機上寫售罄唔俾落柯打？😪）
雖然食唔夠$200，但因為我覺得食物味道太唔合心水了，就算有優惠券我都唔想再來，所以我放棄達到$200嘅目標了。
後來先知，原來所謂嘅價值$200現金券，係四張分別要食滿$250才可使用一張嘅$50現金券！真慶幸自己冇堅持食到$200。😂
付款時發生了小插曲，到櫃位付款時，收銀顯示我地嘅單係$220（$200加一），即係冇cancel到我剛才提及嘅鮮蝦和風沙律。交涉完一輪個收銀先更正到個正確嘅價錢。睇來新店開張還有改善空間，尤其係部pad嘅system操作。🙃
P.S. 食完呢餐我地仲係覺得唔飽，去咗買包食...😂
P.S. 上openrice先知原來間店中文叫「點爭鮮」，唔通係同爭鮮同一個集團來嘅？🤣
Post
