FireBird (東薈城名店倉)

Open Now

Now Closed

來到東涌行完outlet順路醫肚，餓了真係咩都想食。依間居酒屋二人套餐吸引，刺身天婦羅丼飯樣樣有，仲可欣一幕火鳥歸位，充滿儀式感，的確吸引我一試。豪華2人套餐 $498精選刺身盛合五款刺身包括三文魚、油甘魚、帶子、牡丹蝦和三文魚籽。食得出非常新鮮貨色，鮮甜美味相當高質。溫泉蛋慢煮日本雞肉凱撒沙律雞胸肉慢煮口感軟嫩，羅馬生菜新鮮爽脆，淋上凱撒醬和溫泉蛋，灑滿芝士碎，簡單健康美味。大海老天婦羅脆漿炸得金黃而不厚，大蝦鮮甜彈牙，唔錯。FireBird 名物重量級火焰原隻雞腿全晚最令人難忘的一道菜，店員淋上威士忌隨即點火，火焰壯觀場面出現眼前，係有點震撼。雞腿啖啖肉，肉質軟彈很入味，有點微辣相當惹味，伴有椰菜一起食配搭幾好。北海道名物 温泉卵十勝豚丼豚肉爽口肉味濃郁，有著微微焦香。加上燒汁和蛋汁撈日本米飯，超級美味。雨滴餅外表晶瑩剔透，口感爽彈，配上黃豆粉和黑蜜，有著甜蜜的幸福感。Strawberry Yakult +$30雞尾酒味道酸甜，酒味淡淡，冰溶都唔會變淡，賣相真係好靚。