Homeland (牡丹大廈) (Moved) New Location

上次食過Homeland既"惹味啤酒釀全雞"覺得回味無窮，於是又再返黎食多次，睇下水準是否保持到，高興的是依舊美味，最欣賞的是全雞的熱度，上碟時仲係出曬煙，會燙手的那種，雞肉嫩口入味。"半熟吞拿魚配芒果他他沙律"，其實樣樣都好，但係我就唔係幾食三色椒，因為無問清楚，所以無話要走三色椒，另外因為有特別問到"西班牙海鮮炒飯"就走左三色椒，海鮮分量奇多，炒飯都整得幾好味，做到粒粒分明!最開心係叫左支名為"夢想"既手工啤，個名真係好正，成分主要係桂花，柑橘，葡萄柚香，充滿果香味。甜品都有驚喜，"朱古力榛子蛋糕"好大件，唔會太甜，有食更繽紛樂既口感，唔錯唔錯~!環境又同上次唔同左，今次多左少少奧運有關既主題，都真係幾有心經營，值得讚!