Mee...lemongrass (Closed)

朋友介紹將軍澳開左間好正嘅喇沙好想試，就約埋一班朋友一齊去食。估唔到平日夜晚去食都要等位，我地一行四人大概等左二十分鐘先有位，睇黎間野係區內都頗有名氣。未睇menu朋友已經話一定要試呢個足爆版喇沙，於是我地就先叫左個喇沙。喇沙一黎到我地已經好興奮，因為呢個足爆版喇沙真係好大碗，而且仲有好多料。舖頭好有心思咁將喇沙湯底同喇沙分開上，咁d麵就唔會浸到淋曬。個湯底唔會太辣，唔食得辣嘅朋友都應付到呢個湯底。超級豐富嘅海鮮，大頭蝦非常厚肉同惹味。