Video
Read full review
2014-09-12
345 views
喺香港既意大利雪糕店真係越開越多，但Angelato令你留下深刻印象既原因，除咗係雪糕幼滑既質地，仲有係因為佢哋特別既味道。例如薑汁撞奶，同埋紹慶酒朱古力雪糕，唸都無唸過會有呢啲味道，但又出奇的夾喎！薑汁撞奶係中式糖水店就食得多，但以雪糕形式凍食就未試過，食落除咗雪糕本身香濃既奶味之外，慢慢食到個薑汁味同埋一粒粒的薑，真材實料！至於個紹慶酒朱古力原先唔係太敢試，一來少飲酒，二來覺得個配搭有啲怪，不過佢俾咗一小匙我試食，不得了！即刻加多一球！朱古力香濃幼滑，紹慶酒香但又唔會搶過朱古力味，食到停唔到口啊！地點確實不太就腳，但有機會路過黄金海岸就記得要把握記會啦！聽講佢哋個menu會時不時轉吓，唔知下次會有咩味道呢？
薑汁撞奶係中式糖水店就食得多，但以雪糕形式凍食就未試過，食落除咗雪糕本身香濃既奶味之外，慢慢食到個薑汁味同埋一粒粒的薑，真材實料！
至於個紹慶酒朱古力原先唔係太敢試，一來少飲酒，二來覺得個配搭有啲怪，不過佢俾咗一小匙我試食，不得了！即刻加多一球！朱古力香濃幼滑，紹慶酒香但又唔會搶過朱古力味，食到停唔到口啊！
地點確實不太就腳，但有機會路過黄金海岸就記得要把握記會啦！聽講佢哋個menu會時不時轉吓，唔知下次會有咩味道呢？
Post
