Video
Read full review
2021-07-04
608 views
途經Moko, 估唔到一間小小嘅中菜館能夠帶嚟不一樣嘅驚喜～打開Menu發現都幾多選擇，新派特式有，懷舊風味一樣有～所以是次都點左唔少食物，由點心🥟到小菜都想試😋先講「🥢點心類」「🐝小蜜蜂流沙包」係必點！除左有qq 嘅造型，加上滿滿嘅流沙奶黃餡～鬆軟嘅外皮跟軟滑內餡，味道又唔會太甜～大人小朋友都難以抗拒😘😘「🐠虎松茸魔鬼魚餃」個人都覺得好好食😋造型好可愛，有外表一樣有內在，餡料加入虎松茸後更有咬口，絕對係「香彈爽」之選👍🏻「🍰薑汁千層糕」本來都驚會薑到辣，出奇地有薑味但甜度係啱啱好中和到～加埋熱辣辣上枱，口感彈牙煙韌，我都忍唔住食左2件～「原隻花膠濃湯餃」我真係灌湯餃專家嚟，我由細食到大，好食到難食我都食唔少～點為之好食，首先要睇個湯，唔洗落醋都夠鮮味就係靚湯底，佢呢個做到🌟第二餃皮要夠薄，好多cheap酒樓/好舊式個種會用黃色好厚嘅皮，咬落去又鞋又粉～但呢個佢好薄皮又滑🌟第三餡料方面，差嘅會一大堆蘿蔔蓉加肉加蟹柳，但佢呢個入面啖啖🍤蝦肉，好滿料絕對貨真價實🌟唯一我唔太鍾意隻原隻花膠，純個人口味問題～我係鐘意食乸肚，啖啖肉腍啤啤個種～公肚紮實爽口我麻麻～小菜方面點左「芝士焗蟹蓋🦀」同「
途經Moko, 估唔到一間小小嘅中菜館能夠帶嚟不一樣嘅驚喜～
打開Menu發現都幾多選擇，新派特式有，懷舊風味一樣有～
所以是次都點左唔少食物，由點心🥟到小菜都想試😋
先講「🥢點心類」
「🐝小蜜蜂流沙包」係必點！除左有qq 嘅造型，加上滿滿嘅流沙奶黃餡～
鬆軟嘅外皮跟軟滑內餡，味道又唔會太甜～
大人小朋友都難以抗拒😘😘
「🐠虎松茸魔鬼魚餃」個人都覺得好好食😋
造型好可愛，有外表一樣有內在，餡料加入虎松茸後更有咬口，絕對係「香彈爽」之選👍🏻
「🍰薑汁千層糕」
本來都驚會薑到辣，出奇地有薑味但甜度係啱啱好中和到～
加埋熱辣辣上枱，口感彈牙煙韌，我都忍唔住食左2件～
「原隻花膠濃湯餃」
我真係灌湯餃專家嚟，我由細食到大，好食到難食我都食唔少～
點為之好食，首先要睇個湯，唔洗落醋都夠鮮味就係靚湯底，佢呢個做到🌟
第二餃皮要夠薄，好多cheap酒樓/好舊式個種會用黃色好厚嘅皮，咬落去又鞋又粉～但呢個佢好薄皮又滑🌟
第三餡料方面，差嘅會一大堆蘿蔔蓉加肉加蟹柳，但佢呢個入面啖啖🍤蝦肉，好滿料絕對貨真價實🌟
唯一我唔太鍾意隻原隻花膠，純個人口味問題～
我係鐘意食乸肚，啖啖肉腍啤啤個種～公肚紮實爽口我麻麻～
小菜方面點左「芝士焗蟹蓋🦀」同「🐟金沙百花九肚魚」～
焗蟹蓋🦀實物如圖！一樣咁大隻份量十足～
脹爆嘅餡料，蟹肉火腿⋯味道啱啱好又好咬口，堅正呀！
我最期待就係呢個九肚魚，我超鐘意食金沙料理，鹹蛋黃味超濃～
已經將佢開半起左骨，所以完全唔怕有骨～
出面勁脆，入面就極軟滑，惹味都震，我自己都清左大半碟🙈🙈
Post
