Video
Read full review
2010-12-05
137 views
旺角係好多嘢食，但其實食嚟食去都係嗰幾間都開始食厭，點知響openrice見到有呢間新齋舖，見好耐冇食素，食評及照片都感覺不錯，於是決定一試。點知一試就充滿驚喜，d菜式好新穎，完全有別於傳統齋菜畀人老土厭悶嘅感覺，有日式、西式、港式，齋睇menu都唔覺入咗齋舖，食物味道及口感絕對帶來無限驚喜，平時我只會睇人哋嘅食評，今次忍唔住要寫個食評like一下。軟殼蟹卷食落同真嘅軟殼蟹質感差唔多，不錯。爆醬珠珠扮魚子好得意，充滿士多啤梨果味，好特別。三文魚、吞拿魚、飽片都造到同真嘅一樣，就連口感都好似。其他仲有青瓜果子壽司&飽粒壽司(希望我冇估錯)都造得很不錯，推介啦！脆脆的法包上面塗上牛油果及芝士，再焗至金黃色，上枱已香噴噴，食落唔會好漏，必吃之選！薄餅底好特別，係用雲吞皮造，食落好脆，唔會好似穌皮嗰d咁油，加埋d素海鮮&配料，好似食緊真pizza一樣，最緊要係食多2件都唔會飽到食唔到其他嘢，正！上枱已經好香芝士味，意大利雲吞加埋個白汁造得好好，食晒都唔覺漏，又係完全唔似食緊齋，好like呢個。賣相同真嘅金菇牛柳卷一樣，個黑椒汁又係好好味，可惜個牛柳食落似午餐肉多d，但齋都可以造到咁神似，都算不
軟殼蟹卷食落同真嘅軟殼蟹質感差唔多，不錯。爆醬珠珠扮魚子好得意，充滿士多啤梨果味，好特別。
三文魚、吞拿魚、飽片都造到同真嘅一樣，就連口感都好似。
其他仲有青瓜果子壽司&飽粒壽司(希望我冇估錯)都造得很不錯，推介啦！
脆脆的法包上面塗上牛油果及芝士，再焗至金黃色，上枱已香噴噴，食落唔會好漏，必吃之選！
薄餅底好特別，係用雲吞皮造，食落好脆，唔會好似穌皮嗰d咁油，加埋d素海鮮&配料，好似食緊真pizza一樣，最緊要係食多2件都唔會飽到食唔到其他嘢，正！
上枱已經好香芝士味，意大利雲吞加埋個白汁造得好好，食晒都唔覺漏，又係完全唔似食緊齋，好like呢個。
賣相同真嘅金菇牛柳卷一樣，個黑椒汁又係好好味，可惜個牛柳食落似午餐肉多d，但齋都可以造到咁神似，都算不錯啦。
又一驚喜，好似真係半隻雞咁，廚師仲要勁到將成隻"雞髀"&"雞翼"起出嚟，勁呀！
又係唔講唔知食緊齋，佢d口感造到同真豬肉好似，同真正嘅沙拉骨可嫓美。
唔識形容，個甜酸汁實在太好味，好似真係食緊魚餅之類嗰d咁，搞到食唔停口。食飽飽之後，店員仲送上糖水，綠豆沙唔太甜，非常好，結果我飽到頂點。其實Overall d嘢食都好好味，價錢唔貴，食物款式多，始終新開唔係好耐，當然有進步空間啦！
P.S. 舖頭唔大，去之前book定枱會好d。
Post
