惠 (Closed)

平時食好嘢多數都係晚餐🍽，但因為疫情之下所以只有午餐🌞可以食，但估唔到午餐都可以食好西😋。今日就去咗灣仔一間日本餐廳🍱食廚師發板，午餐的確好抵食，$1000鬆少少就已經食到。而且環境相當唔錯，去約會慶祝🎊都可以，非常夠體面。咁我最欣賞嘅就係佢哋嘅刺身夠新鮮，深海池魚🐟有三片，肉質爽口彈牙🦷，配上一個酸酸地嘅汁，有啲似柚子醋，魚味道超鮮甜👅。針魚配上薑豉油，佢嘅油脂非常厚，色澤亮麗光鮮。真錭🐟壽司，呢一款嘅魚嘅味道係超濃郁，魚身會帶有少少偏鹹嘅味道。吞拿魚醬油漬壽司，紅紅嘅吞拿魚壽司，一眼望落就好吸引👀，加埋醬油漬，將啲鮮味帶晒出嚟。