德運豬扒車仔麵

Open Now

Now Closed

今日經過佐敦見到有間新開車仔麵店叫德運豬扒車仔麵，就入去試下港式美食，麵底有5種再自由揀配料，有成四十多款選擇，最後我揀咗豬紅、魚蛋、魷魚配米線，另一款就揀咗得運豬扒、牛腩、豬肚配粗麵，叫咗一樣小食係鹵水雞腳。湯底就完全係港式懷舊風味，可以揀辣同唔辣，有麻辣味、沙嗲味亦有清湯味。每樣餸菜配料都好新鮮，鮮魷魚蛋好彈牙，豬紅夠爽口，牛腩亦都好入味，豬肚食得到嗰個爽口嘅味道，值得推介係招牌菜得運豬扒，炸得好均勻而且好大塊。小食鹵水雞腳亦都好有鹵水嘅味道滲曬入雞腳。