Video
Read full review
2023-03-14
177 views
早前約咗朋友去試呢間位於中環區，網上正評非常多嘅餃子店。奈何用餐經驗未如愉快，原本打算由得佢，下次唔再到訪就算，點知見到某M記網媒大肆報導，讚到天花龍鳳，本人擔心有任何香港地專業水魚錯過呢間店，特意在此打食評分享本人的用餐經驗。😗😗環境：首先，由於店鋪面積小，用餐環境非常逼，肥少少都入唔到去坐入面啲位。咁明嘅，喺寸土寸金嘅中環，租金貴嘛，理解。不過枱同抬之間隔得咁埋，都幾好奇疫情期間如何喺唔觸犯政府政策下經營。內部照明光亮,唔錯👍🏻衛生：走廊地板有D黏。可能想節省人力，就算係堂食都要用即棄膠碗，衛生係衛生，但唔環保。食物：兩個人叫咗3碟煎餃，1碗水餃，1個小食，同埋每人一枝豆漿。餃子每份6隻，餃子大小就大概係日式拉麵店D午市拉麵套餐(拉麵+餃子）入面D餃子嘅大小，即係一口餃再大翻一個尾指頭少少，絕對唔係期望會喺餃子專門店見到嘅size。👽味道方面，煎餃發揮正正常常，唔難食但唔好食。皮唔算薄，餡料算少，少到我個friend食緊邊款餃子都唔知。不過個餃細到咁,都好難做到口感飽滿。個水餃可能因為個皮太厚，食落好大陣麵粉味😬。個絲網春卷小食ok的，上菜時係熱嘅，應該啱啱炸起。豆漿係壹品豆漿，唔
環境：首先，由於店鋪面積小，用餐環境非常逼，肥少少都入唔到去坐入面啲位。咁明嘅，喺寸土寸金嘅中環，租金貴嘛，理解。不過枱同抬之間隔得咁埋，都幾好奇疫情期間如何喺唔觸犯政府政策下經營。內部照明光亮,唔錯👍🏻
衛生：走廊地板有D黏。可能想節省人力，就算係堂食都要用即棄膠碗，衛生係衛生，但唔環保。
食物：兩個人叫咗3碟煎餃，1碗水餃，1個小食，同埋每人一枝豆漿。餃子每份6隻，餃子大小就大概係日式拉麵店D午市拉麵套餐(拉麵+餃子）入面D餃子嘅大小，即係一口餃再大翻一個尾指頭少少，絕對唔係期望會喺餃子專門店見到嘅size。👽
24 views
0 likes
0 comments
味道方面，煎餃發揮正正常常，唔難食但唔好食。皮唔算薄，餡料算少，少到我個friend食緊邊款餃子都唔知。不過個餃細到咁,都好難做到口感飽滿。個水餃可能因為個皮太厚，食落好大陣麵粉味😬。個絲網春卷小食ok的，上菜時係熱嘅，應該啱啱炸起。豆漿係壹品豆漿，唔係自家出品，所以無咩好評價。
19 views
0 likes
0 comments
服務：ok 啦 正正常常
價錢：套餐有三種（1.米線餐58蚊 2.米線小食餐68蚊 3.餃子餐74蚊）煎餃另加4蚊，特色餃另加9蚊，大部分小食要另加7-24蚊，某些米線加5蚊，飲品全都要加7蚊，啤酒加30蚊。話就話中環地價貴，但係呢間餃子店已經位於隱蔽小巷3兄弟嘅其中一條，租金應該無大街咁貴。套餐本價已經唔算平，仲要加埋一大堆additional charge, 計翻開其實係一間價格非常進取嘅餃子店。
抵食程度：量少價高，我同我個friend食完唔夠飽要食埋下場狗仔粉同燒賣先夠。利申我地唔係大胃王，食正常份量架！😌
另外，條片中最令本人覺得難以理解嘅部分係點解店家就無加價一事如此自豪。佢本身定價已經可以跑贏5年通脹，依家仲要用機器喺九龍灣工廠包，成本低咗，減埋通脹都係賺多咗😂 唔係難食嘅，但係餃子控無謂專程嚟食。奉勸店家如果有咁多閒錢做宣傳買食評，不如用心包餃子，唔好整臭某人母親個朵 🤓
Post
