麻辣風雲 (京都廣場) (Closed)

愛辣之人好中意紅色紅紅辣椒🌶️🌶️🌶️！港島區人士切勿錯過呢間麻辣風雲😏鍾意紅色視覺衝擊當然就要嗌呢個🌶️水煮牛肩肉 $268🌶️。真係超級大碗，上面係一片紅色🤩。成碗湯都係辣湯嚟嘅，牛肉就浸曬喺入面。牛肉處於充滿辣汁嘅空間之中，食落去完全索曬汁超正。🍥麻辣魚皮＄68🍥係另外一個超正嘅菜式。充滿骨膠原林林滑滑嘅魚皮本身口感已經好正，再浸入埋辣汁簡直係將成個口感升華到更佳。試下啲唔辣嘅小食就有🥚黑松露煙燻溏心蛋$68🥚。其實糖心蛋唔算好特別，但係用黑松露煙燻嘅就好特別喇。食落去真係充滿香濃嘅黑松露，超香。最後呢個飲品🧊椰汁冰 ＄38🧊都幾得意。個杯係一個龍捲風嘅形狀，倒入咗白色嘅飲料就好似一舊雲咁，啱曬風雲呢個主題。味道不錯。