Video
Read full review
2021-08-01
348 views
我甚少喺深水埗區活動，果日咁啱要去電腦商場買野，買完差不多食晏時間，於是決定搵餐廳醫肚。喺Openrice 見到附近就有呢間古早牛肉麵，勁多讚，所以就入去試下。小小一間食店，感覺非常乾淨企理，唔會好擠迫。一坐低就即刻被牆上嘅食物招牌所吸引，牛肉麵、魯肉飯、三杯鴨舌、蚵仔麵線.... 全部都係台灣嘅美食，即刻就讓我回憶起果陣去台灣夜市掃街嘅情景，真係諗起都不得了。都係果句：好想飛呀🤣！除此之外，佢周圍仲掛滿左40年代嘅漫畫，同埋不同店舖嘅懷舊招牌，感覺去咗博物館咁，好有特色。如果唔係咁多食客，真係好想一一去欣賞果啲漫畫同埋打卡😕。店員姐姐送上餐牌，睇到好多款台式美食，樣樣都好想試呀！可惜我同朋友只有兩個人，怕叫得太多食唔晒，所以最後只叫左招牌半筋半肉湯麵，同埋鹽酥大雞排湯麵。飲品就叫左百香果雪梨茶，同埋茉香珍珠奶綠。首先講下佢個牛肉麵，一夾起舊牛筋，見到佢已經炆到半透明，就知道師傅一定炆得夠火喉。食落去，有咬口得黎卻又非常容易咬開，感覺充滿骨膠元。牛肉亦都不相伯仲，炆得非常林滑，厚切令佢食起上黎更有口感。麵條不粗不幼，食落彈牙又唔會太削，配上濃郁嘅湯底同埋清甜嘅白蘿蔔，簡直係一絕🤩！之後
小小一間食店，感覺非常乾淨企理，唔會好擠迫。一坐低就即刻被牆上嘅食物招牌所吸引，牛肉麵、魯肉飯、三杯鴨舌、蚵仔麵線.... 全部都係台灣嘅美食，即刻就讓我回憶起果陣去台灣夜市掃街嘅情景，真係諗起都不得了。都係果句：好想飛呀🤣！
除此之外，佢周圍仲掛滿左40年代嘅漫畫，同埋不同店舖嘅懷舊招牌，感覺去咗博物館咁，好有特色。如果唔係咁多食客，真係好想一一去欣賞果啲漫畫同埋打卡😕。
店員姐姐送上餐牌，睇到好多款台式美食，樣樣都好想試呀！可惜我同朋友只有兩個人，怕叫得太多食唔晒，所以最後只叫左招牌半筋半肉湯麵，同埋鹽酥大雞排湯麵。飲品就叫左百香果雪梨茶，同埋茉香珍珠奶綠。
首先講下佢個牛肉麵，一夾起舊牛筋，見到佢已經炆到半透明，就知道師傅一定炆得夠火喉。食落去，有咬口得黎卻又非常容易咬開，感覺充滿骨膠元。牛肉亦都不相伯仲，炆得非常林滑，厚切令佢食起上黎更有口感。麵條不粗不幼，食落彈牙又唔會太削，配上濃郁嘅湯底同埋清甜嘅白蘿蔔，簡直係一絕🤩！
招牌半筋半肉湯麵
167 views
0 likes
0 comments
之後黎嘅大雞排，見佢炸到外面金黃色，未食都知道一定唔會差得去邊！一食落去，雞皮酥脆，入面軟滑而且仍然濕潤，咸味適中，食得出佢係新鮮炸俾客人。雖然出面好多地方都有得食雞排，但唔係度度都即炸，皮就已經唔夠脆 再唔係就炸到過晒火，啲肉又乾又鞋。對於喜歡食香口野嘅我黎講，呢度真係冇得頂😋！
鹽酥大雞扒湯麵
22 views
0 likes
0 comments
飲品方面我就覺得一般，尤其百香果雪梨茶比較人工甜，朋友亦話個奶綠麻麻。
其實食野唔一定要去貴餐廳，小店如此一樣有其吸引之處。越簡單嘅食物，反而越睇到一個師傅嘅功架，同埋食店有幾用心去做。
呢度我係覺得值得推介俾大家😊！
Post
