Video
Read full review
2016-10-23
1318 views
發現咗最近有間新開嘅放題，只要訂位就會送樣靜勁吸引嘅「九大行星」創作壽司，所以就心郁郁訂咗同男朋友食喇！三井位於放題聖地嘅旺角兆萬中心，估佢唔到，啲位又幾闊落。就算兩個人都有卡位可以坐，食得夠哂舒服。坐落見到升級美食有拖羅、和牛、松葉蟹腳，仲有鵝肝蒸蛋！好似好正，就加埋試試。飲品就係自助拎嘅，自己出去拎。首先店員就主動上咗訂位有嘅九大行星，其實係主廚親自整嘅創作壽司嚟！每一粒都用上唔同嘅食材整咖，睇得又食得。用料好豐富，海膽，三文魚，左口魚邊，帶子等，每一粒都有好不一樣嘅感覺。而我最中意嘅就係三文魚配上呑拿魚腩蓉、海膽同甜蝦嘅配搭，口感好豐富且有層次。一件壽司就食哂咁多種最鮮嘅魚生，味道鮮甜！接住就當然係刺身啦！最吸引就係大大隻嘅珍寶赤蝦，肉質彈牙又夠甜，隻隻size都夠哂大仲。帶子又係另一必食推介，厚切得嚟新鮮肥美，入口即溶亦夠甜。黑魚子鵝肝蒸蛋估唔到日式放題都會有同鵝肝有關嘅野食。蒸蛋吸哂鵝肝嘅味道，帶有油香嘅油脂味。鵝肝亦都唔係細細舊，配上小小黑魚子點綴，好香蛋亦好滑。拖羅壽司第一次食放題有拖羅食！成件事即刻高級咗，入口即溶，魚油味都幾香。雖然講唔上係好高質嘅拖羅，但以放題嚟講，
三井位於放題聖地嘅旺角兆萬中心，估佢唔到，啲位又幾闊落。
就算兩個人都有卡位可以坐，食得夠哂舒服。
坐落見到升級美食有拖羅、和牛、松葉蟹腳，仲有鵝肝蒸蛋！好似好正，就加埋試試。
飲品就係自助拎嘅，自己出去拎。
首先店員就主動上咗訂位有嘅九大行星，其實係主廚親自整嘅創作壽司嚟！每一粒都用上唔同嘅食材整咖，睇得又食得。
用料好豐富，海膽，三文魚，左口魚邊，帶子等，每一粒都有好不一樣嘅感覺。
而我最中意嘅就係三文魚配上呑拿魚腩蓉、海膽同甜蝦嘅配搭，口感好豐富且有層次。
一件壽司就食哂咁多種最鮮嘅魚生，味道鮮甜！
接住就當然係刺身啦！最吸引就係大大隻嘅珍寶赤蝦，肉質彈牙又夠甜，隻隻size都夠哂大仲。
帶子又係另一必食推介，厚切得嚟新鮮肥美，入口即溶亦夠甜。
黑魚子鵝肝蒸蛋
估唔到日式放題都會有同鵝肝有關嘅野食。蒸蛋吸哂鵝肝嘅味道，帶有油香嘅油脂味。
鵝肝亦都唔係細細舊，配上小小黑魚子點綴，好香蛋亦好滑。
拖羅壽司
第一次食放題有拖羅食！成件事即刻高級咗，入口即溶，魚油味都幾香。
雖然講唔上係好高質嘅拖羅，但以放題嚟講，一啲都唔差都。
跟住有我最愛嘅串燒
牛舌幾厚切，爽口牛味濃。煙肉荔枝卷入口多汁清甜，配上煙肉燒得焦香又幾夾。
雞翼燒得皮香肉嫩，夠哂火口咖。仲有多春魚我同男朋友都好中意食，燒到條尾脆卜卜！
燒物
呢一碟正呀！蒜香牛柳粒，牛仔骨，燒帆立貝，仲有薄燒牛肉卷！全部都好有鑊氣，牛肉味好濃又唔會韌。
帆立貝彈牙，配上燒汁甜甜地。
天婦羅
好得意有天婦羅生蠔，炸漿唔厚，炸得岩岩好保留到蠔嘅味道，咬落有汁。炸蝦彈牙有蝦味，金菇紫菜卷有創意，炸完嘅金菇唔會好油同韌，幾新奇。
呢到食物種類好多，坐得舒服而且。價錢亦合理，下次行過旺角可以再戰！
Post
