韓牛牧場 (Closed)

公司附近新開咗間韓式烤肉，晚市堂食開返，梗係要約返啲朋友去試吓，順便聚一聚。呢間烤肉店採用放題形式，最特別嘅地方係用光波爐燒肉，好處係唔會好似用網爐明火燒咁易燒燶同成日要叫人換網，而且仲可以將啲油份比較高嘅食材燒到脆卜卜，好似雞皮串、五花肉呢啲😍店內仲有温馨提示不同食材類別大概燒幾耐俾食客參考，幾貼心～🔸燒烤類食材🔸我同朋友就揀咗美國安格斯牛同西班牙豬嘅餐，上燒肉之前會有刺身拼盤同醬油蝦做頭盤，醬油蝦好高質，入味得嚟又新鮮。牛肉唔會雪到黑晒，油花唔算多但好有肉味✨仲有多款海鮮，例如海蝦、青口同扇貝等，每樣都好新鮮，尤其海蝦，肉質爽口😋除咗肉類，都要燒吓蔬菜平衡下，蔬菜選擇都唔少，個人私心推介雞脾菇同菠蘿！🔸沙律、小食、飲品、甜品🔸韓式放題點少得食炸雞，小食即叫即炸熱辣辣好正。仲有自助沙律吧，既然食韓式燒烤，點都要試吓泡菜，食完好開胃，又可以繼續燒多啲肉🤪飲品同甜品都有好多款，甜品仲係我最愛嘅韓國雪條，多款口味任君選擇😚