慢煮工業 (Closed)

旺嘅地方勝在交通方便，但係有時行入少少，又會有意外驚喜今日我哋相約在太子，由我呢個識途老馬帶路，好好享用一頓晚餐。呢間餐廳長期旺場，今次到樓上， 有另一番格局，工業風之餘又有點小清新☘呢度唔使加一，記住自己枱號然後去收銀處落單畀錢，食物有侍應送上。其實唔使加一，真係慳返唔少。朋友鍾意食羊，先叫咗法式羊架，$98， 有三支，表面金黃色，切開仍是粉紅色的，冇血水，小小羊羶味，皮帶有脂肪的甘香，朋友非常滿意美國安格斯牛扒$108，有成八安士，跟羊架一樣，因為是慢煮，唔需要揀幾成熟，表面微微焦香，但係切出嚟都係粉紅色，冇血水，好嫩好香 濃牛味，還有牛扒上面有隻細細隻煎鵪鶉蛋，好搞笑朋友見餐牌有一款叫做牛油卡真蝦包 $68，即管試一試。上到嚟真係嚇一跳，以為細細個包，點知好大個，用上排包，微微焗過，裏面有蝦，重點係佢個卡真醬，因為由紅椒粉，大蒜粉，洋蔥粉，黑胡椒，小茴香，卡宴紅椒粉，奧勒岡，百里香造成，所以香濃又不會太辣，有驚喜呀滿蜆肉蝴蝶粉 $88，份量十足蜆肉好多，蝴蝶粉軟硬適中，好惹味呢度有好多酒類選擇，不過唔飲酒的我們，只選了凍mocha和汽水，也很合我們心意。輕輕鬆鬆，共聚了一晚。