稻香訓練酒樓 (Closed)

返火炭同舊同事食午飯 ，一班人柴娃娃梗係飲茶啦。 去稻香就係不二之選。 裏面坐得舒服 ，枱同枱之間唔會放到逼夾夾， 久別回來， 水準依然叫咗個午市粉飯配小食 $108我哋揀咗香茜皮蛋肉鬆泡飯 +淮香豆腐個泡飯份量十足， 我略嫌香茜唔多夠，但都不錯。 淮香豆腐，外面香脆灑上淮鹽，裡面豆腐很嫩同好香豆味 。仲有一個比較特別嘅係滋味三小點$68, 揀咗叉燒，青瓜 ，蔥油支竹。 叉燒入味又唔硬。支竹切絲灑上葱油，心機之作。叫咗11個點心， 同埋上面三款嘢食， 個個食到飽飽 ，一人都係$70， 因為免收茶芥同加一呀