御の味 (Closed)

契妹生日話要試新野，週二晚就捉咗小肥契哥去灣仔「The Hennessy」新開嘅「UO n」食新派日本料理。踏出升降機門即見餐店螢光嘅招牌，好非一般。店子佔用面積全層，樓底高高，開揚寬廣，裝潢用上嘅紅綠色調十分前衛。但店內都有不少較傳統嘅和風擺設。右方有排吧位。兩口子被安排入座圍繞三邊嘅其中一張二至四人卡位，闊落舒適，且私人空間足。飲品餐牌共有十頁之多。天口咁熱，最消暑當然係飲啤酒啦！點菜由壽星女話事，要咗兩客$980嘅廚師發辦晚餐。套餐先由一小杯以蘋果汁及日本清酒調製嘅雞尾酒作序，冰涼又清爽。不久就由師傅呈上第一道煙霧彌漫嘅頭盤，相機定好鏡即慢慢揭開玻璃蓋。原來白煙內藏嘅係煙燻鴨胸同煙燻雞蛋，擺盤用上雀巢墊底，另伴金雀作伴，賣相精緻得很！色澤粉嫩嘅煙燻鴨胸芳香甜美，其煙燻嘅味道一啲都唔嗆喉。後方嘅蛋蛋其實已離殼，一叉就食得到，只係如果烚蛋可以換成流心蛋，相信菜式會變得更加完美。接著嘅冰陣牛油果他他用返牛油果嘅殼承載，物盡其用，非常環保。牛油果殼內含魚生碎碎，包括三文魚肉及蛋蛋等，軟潤鮮香，白滑嘅忌廉乃混入咗山葵精華嘅牛油果醬，質感滑溜得黎完全唔覺溜滯，配搭新穎討好。好戲連場，單睇湯品