Video
Read full review
2019-10-11
28 views
之前聽朋友講呢間火鍋好食，終於約到朋友一齊去，又真係好食喎！餐廳位於金巴倫道的金龍大廈，認住呢一個大廈內口寫住「金龍大廈1-3/F」，因為大廈另一個出入口係上去辦公室大樓，去唔到餐廳架。我哋兩個人，店員安排咗我哋坐卡位。座位非常闊落，而且場內環境好光猛好乾淨，亦唔會好焗。一坐低店員就問我地想飲啲乜，好似有紫貝天葵同埋另一種飲品，應該係包埋嘅，但我地只叫咗一壺茶。湯底我哋揀咗薑酒雞子魚頭煲， Menu上寫話佢哋嘅湯底都係冇味精。而我哋食咗成晚，都覺得佢哋真係冇落味精，因為飲完幾碗湯都唔會覺得口渴。湯底薑酒味好香，雞子睇得出係新鮮雞子，唔會有腥味反而有好重嘅脂肪味，好食。魚頭有一整個，好足料。佢哋嘅配料大部分都可以揀半份，啱晒好似我哋兩個人嚟食飯，可以叫多啲選擇。鵝肝墨魚丸推薦，墨魚丸裡面真係有鵝肝蓉，而且都唔小。食嘅時候小心中間啲鵝肝辣親個咀呀。麻辣餃都好食，每隻都漲卜卜好足料，麻辣味好香而且都幾夠辣。鴨血同炸午餐肉就屬正常水準，不過不失。最後上枱嘅係豬牛羊拼盤，佢一上枱我哋話咗出嚟。因為我哋係叫本分，冇諗過會咁大碟。我同店員再三確認佢哋話呢個真係本分，$198半份有咁大碟，好抵食！而且
餐廳位於金巴倫道的金龍大廈，認住呢一個大廈內口寫住「金龍大廈1-3/F」，因為大廈另一個出入口係上去辦公室大樓，去唔到餐廳架。
我哋兩個人，店員安排咗我哋坐卡位。座位非常闊落，而且場內環境好光猛好乾淨，亦唔會好焗。一坐低店員就問我地想飲啲乜，好似有紫貝天葵同埋另一種飲品，應該係包埋嘅，但我地只叫咗一壺茶。
湯底我哋揀咗薑酒雞子魚頭煲， Menu上寫話佢哋嘅湯底都係冇味精。而我哋食咗成晚，都覺得佢哋真係冇落味精，因為飲完幾碗湯都唔會覺得口渴。湯底薑酒味好香，雞子睇得出係新鮮雞子，唔會有腥味反而有好重嘅脂肪味，好食。魚頭有一整個，好足料。
佢哋嘅配料大部分都可以揀半份，啱晒好似我哋兩個人嚟食飯，可以叫多啲選擇。
鵝肝墨魚丸推薦，墨魚丸裡面真係有鵝肝蓉，而且都唔小。食嘅時候小心中間啲鵝肝辣親個咀呀。麻辣餃都好食，每隻都漲卜卜好足料，麻辣味好香而且都幾夠辣。鴨血同炸午餐肉就屬正常水準，不過不失。
最後上枱嘅係豬牛羊拼盤，佢一上枱我哋話咗出嚟。因為我哋係叫本分，冇諗過會咁大碟。我同店員再三確認佢哋話呢個真係本分，$198半份有咁大碟，好抵食！而且三種肉都唔錯，尤其是個羊肉，香得來唔會好蘇，仲有牛肉切得薄，有牛味又唔韌。
後來我地仲叫皇帝菜同埋芝味響鈴，響鈴上面灑上芝士粉，個配搭幾得意。本來想點埋美人粉，不過無貨，下次再試吓先。
Post
