怒茶巷 (Closed)

怒茶巷，比佢個名吸引左，甘岩佢又係係巷入面。所以我同朋友就決定幫襯。見到舖面有好多飾品，都係一啲support香港人既標語字句。餐牌方面，雖然款式唔多，但係大路既野都有齊，好處唔洗睇甘耐，岩晒我呢啲選擇困難既人。而且除左大路飲品，仲會有啲佢地既飲品。我同朋友各自點左芝士黑糖鮮奶同芝士oreo曲奇朱古力。2杯都有芝士，芝士好綿密幻細，唔會覺得好似食左陣風甘，而且芝士味道濃郁。Orea曲奇同朱古力味都夠重，雖然mix埋一齊，但又出奇地唔會膩。黑糖鮮奶夠奶味，而且黑糖珍珠唔係死甜，岩我呢啲怕太甜既人飲。另外最值得一讚既係，佢地仲有紙巾提供，十分細心！